દુબઈ: બહુ ઓછા લોકોએ આગાહી કરી હશે કે, વિરાટ કોહલી T20 ઈન્ટરનેશનલ ક્રિકેટ મેચમાં સદીઓનો(virat kohli century) દુષ્કાળ ખતમ કરી દેશે. પરંતુ ગુરુવારે દુબઈમાં અફઘાનિસ્તાન સામે 1020 દિવસની રાહ જોયા બાદ, એશિયા કપ 2022માં(asia cup 2022)સમાપ્ત થઈ જ્યારે તેણે માત્ર 61 બોલમાં તેની કારકિર્દીના સર્વશ્રેષ્ઠ અણનમ 122 રન બનાવ્યા. કોહલીએ પોતાની 71મી આંતરરાષ્ટ્રીય સદી ફટકારીને, ઓસ્ટ્રેલિયાના પૂર્વ કેપ્ટન રિકી પોન્ટિંગની બરાબરી કરી લીધી છે.
સૌથી વધુ વખત મેન ઓફ ધ મેચઃ આ સદીના કારણે, વિરાટ કોહલીએ T20 ઈન્ટરનેશનલ ક્રિકેટમાં 100 સિક્સર પણ પૂરી કરી છે અને તે રોહિત શર્મા બાદ આવું કરનાર બીજો ભારતીય બેટ્સમેન છે. વિશ્વમાં માત્ર 9 બેટ્સમેનોએ આ કારનામું કર્યું છે. વિરાટ કોહલી, એશિયા કપ T20 ફોર્મેટમાં સદી ફટકારનાર પ્રથમ બેટ્સમેન બની ગયો છે. T20 આંતરરાષ્ટ્રીય ક્રિકેટમાં સૌથી વધુ વખત મેન ઓફ ધ મેચ જીતવાનો રેકોર્ડ પણ વિરાટ કોહલીના નામે છે. તે અફઘાનિસ્તાનના મોહમ્મદ નબી સાથે સંયુક્ત રીતે પ્રથમ સ્થાને છે.
ત્રણેય ફોર્મેટમાં સદીઃઆ સાથે વિરાટ કોહલીએ ઘણા રેકોર્ડ પોતાના નામે કર્યા છે. ક્રિકેટના ત્રણેય ફોર્મેટમાં સદી ફટકારનાર, ભારતીય બેટ્સમેનોમાં વિરાટ કોહલીનું નામ પણ જોડાઈ ગયું છે. આવું કરનાર તે ચોથો ભારતીય બેટ્સમેન(virat fourth indian) બની ગયો છે. કોહલી પહેલા સુરેશ રૈના, રોહિત શર્મા અને કે,એલ રાહુલ આ કારનામું કરી ચુક્યા છે.
