- ભારતીય મહિલા ફૂટબોલ ટીમ ટૂર્નામેન્ટની પ્રથમ મેચમાં બ્રાઝિલ સામે 6-1થી પરાજય
- ટીમની ખેલાડી જીઓવાન્ના કોસ્ટાએ 36મી મિનિટે ફરી બ્રાઝિલને લીડ અપાવી હતી
- ભારતે 29 નવેમ્બરે ચિલી અને 2 ડિસેમ્બરે વેનેઝુએલા સામે રમશે
નવી દિલ્હી: ભારતીય મહિલા ફૂટબોલ ટીમ (Indian women's football team)શુક્રવારે ચાર દેશોની આંતરરાષ્ટ્રીય ટૂર્નામેન્ટની (Football International Tournament )પ્રથમ મેચમાં બ્રાઝિલ સામે 6-1થી પરાજય પામી હતી. વર્લ્ડ કપ 2007ની રનર-અપ બ્રાઝિલની (Brazil's football team)ડેબોરાહ ઓલિવિરાએ પ્રથમ મિનિટમાં ગોલ કર્યો, જ્યારે ભારતની મનીષા કલ્યાણે (Manisha Kalyan of India )આઠમી મિનિટે બરાબરી કરી. આ પછી ટીમની ખેલાડી જીઓવાન્ના કોસ્ટાએ 36મી મિનિટે ફરી બ્રાઝિલને લીડ અપાવી હતી.
બીજા હાફમાં બ્રાઝિલની ટીમે વધુ ચાર ગોલ કર્યા
બીજા હાફમાં બ્રાઝિલની ટીમે (Brazil's football team)વધુ ચાર ગોલ કર્યા હતા. એરિયાડીના બોર્ગેસ (52, 81), કેરોલિન ફેરાઝ (54) અને ગેસ્સે ફરેરા (76) ગોલ કર્યા હતા.પહેલા હાફમાં ભારતીય ટીમે (Indian football team )બ્રાઝિલને ટક્કર આપી હતી. જો કે, તે બીજા હાફમાં તેને જાળવી શકી ન હતી અને વિરોધી ટીમ તરફથી ઘણા ગોલ મેળવ્યા હતા. ટીમ માટે સૌથી મોટી સિદ્ધિ એ હતી કે તે આ મજબૂત સાતમા ક્રમાંકની ટીમ સામે સ્કોર કરી શકી જે મનીષા કલ્યાણે કરી.
ભારતીય ગોલકીપર અદિતિ ચૌહાણને ચકમો આપીને ગોલ કર્યો
બ્રાઝિલની ટીમે પ્રથમ ગોલ માત્ર 52 સેકન્ડમાં જ કરી દીધો હતો. વિરોધી ટીમે ભારતીય ગોલકીપર અદિતિ ચૌહાણને( Goalkeeper Aditi Chauhan)ચકમો આપીને ગોલ કર્યો હતો. જોકે આના થોડા સમય બાદ મનીષા કલ્યાણે ટીમને બરાબરી પર લાવી દીધી હતી. ભારતના પ્યારીએ કાઉન્ટર એટેક કરતી વખતે બોલ કલ્યાણને આપ્યો જેણે ડાબી બાજુથી શાનદાર રન કરીને સ્કોર કર્યો.આ પછી 45મી મિનિટે બ્રાઝિલે બીજો ગોલ કરીને લીડ મેળવી લીધી હતી. પ્રથમ હાફમાં બ્રાઝિલ 2-1થી આગળ હતું.
બ્રાઝિલના મિડફિલ્ડર ફોર્મિગાએ 43 વર્ષની ઉંમરે ફૂટબોલને અલવિદા કહી દીધું
આ મેચ સાથે બ્રાઝિલના મિડફિલ્ડર ફોર્મિગાએ 43 વર્ષની ઉંમરે ફૂટબોલને અલવિદા કહી દીધું. તેણે સાત ઓલિમ્પિક અને સાત વર્લ્ડ કપ રમ્યા છે. હવે ભારતે 29 નવેમ્બરે ચિલી અને 2 ડિસેમ્બરે વેનેઝુએલા સામે રમવાનું છે.
આ પણ વાંચોઃ India v New Zealand Test match: ભારતીય ટીમ પ્રથમ ટેસ્ટના બીજા દિવસે 345 રનમાં ઓલઆઉટ
આ પણ વાંચોઃ Ind Vs Nz T20 Series: ભારતની જીતમાં જોવા મળ્યો 'રોહિત અને દ્રવિડની' જોડીનો કમાલ
