નવી દિલ્હી: ઈન્ડિયન પ્રીમિયર લીગની 16મી ટુર્નામેન્ટની 15મી મેચમાં લખનૌ સુપર જાયન્ટ્સે રોયલ ચેલેન્જર્સ બેંગ્લોર સામે એક વિકેટથી જીત નોંધાવી હતી. આ લીગમાં લખનૌનું અત્યાર સુધીનું પ્રદર્શન શાનદાર રહ્યું છે. કેએલ રાહુલની ટીમ આ સિઝનમાં અત્યાર સુધી 4 મેચ રમી છે જેમાંથી 3માં જીત મેળવી છે. આ સાથે લખનૌ પોઈન્ટ ટેબલમાં ટોપ નંબર પર છે.
RCB પોઈન્ટ ટેબલમાં 7માં નંબર પર: ફાફ ડુ પ્લેસિસની કપ્તાની હેઠળ આરસીબીએ અત્યાર સુધી રમાયેલી ત્રણ મેચમાંથી માત્ર એક જ મેચ જીતી છે. આ સાથે RCB પોઈન્ટ ટેબલમાં 7માં નંબર પર છે. સોમવારે IPLની 15મી મેચમાં RCBને હાર બાદ વધુ એક હારનો સામનો કરવો પડ્યો હતો.
આ પણ વાંચો: IPL 2023: બેંગ્લુરુ સામે લખનઉની ભારે રસાકસી સાથે એક વિકેટથી જીત
ઓછી ઝડપે ઓવર નાખવા બદલ દંડ: IPL 2023 ની 15મી મેચ RCB અને લખનૌ સુપર જાયન્ટ્સ વચ્ચે એમ ચિન્નાસ્વામી સ્ટેડિયમમાં રમાઈ હતી. આ મેચમાં લખનૌએ RCBને એક વિકેટથી હરાવ્યું હતું. આ મેચ બાદ RCBને બેવડા મારનો સામનો કરવો પડ્યો હતો. આ મેચમાં ભારતીય ક્રિકેટ કંટ્રોલ બોર્ડે લખનૌ સામે ઓછી ઝડપે ઓવર નાખવા બદલ RCB પર મેદાન પર દંડ લગાવ્યો છે. આ મેચમાં રોયલ ચેલેન્જર્સ બેંગ્લોર કટઓફ સમય પહેલા છેલ્લી 20મી ઓવર શરૂ કરવામાં નિષ્ફળ રહી હતી. જેના કારણે BCCIએ RCBના કેપ્ટન ફાફ ડુ પ્લેસિસ પર 12 લાખ રૂપિયાનો દંડ લગાવ્યો છે.
આ પણ વાંચો: Rinku Singh 5 sixes Secret : જાણો રિંકુ સિંહની 5 સિક્સરનું સિક્રેટ, કોણે કહ્યું કે તું આ કરી બતાવિશ
IPLની આચાર સંહિતા હેઠળ 16મી સિઝનનો આ પહેલો ગુનો છે: સોશિયલ મીડિયા પર જાહેર કરાયેલ પોસ્ટમાં કહેવામાં આવ્યું છે કે, 'ટાટા IPL 2023 ટૂર્નામેન્ટની 15મી મેચ દરમિયાન RCBએ લખનૌ સામે ધીમી ઓવર ફેંકી હતી. આ માટે RCBએ હવે પેનલ્ટી રૂમમાં મોટી રકમ ચૂકવવી પડશે. આ મેચમાં અવેશ ખાન લખનૌ માટે 11મા નંબર પર ક્રીઝ પર આવ્યો હતો અને મેચના છેલ્લા બોલ પર વિનિંગ રન મેળવ્યા બાદ તેણે ખુશીથી કૂદીને પોતાનું હેલ્મેટ જમીન પર પછાડી દીધું હતું. આ કારણે અવેશ ખાનને IPL આચાર સંહિતાનો ભંગ કરવા બદલ ઠપકો પણ આપવામાં આવ્યો હતો. IPLની આચાર સંહિતા હેઠળ 16મી સિઝનનો આ પહેલો ગુનો છે. આ ન્યૂનતમ ઓવર રેટના ગુના હેઠળ આવે છે.
