રાજકોટમાં આગામી દિવસોમાં બે ઇન્ટરનેશનલ મેચ રમાશે. જેથી ફરી એકવાર રાજકોટવાસીઓ ક્રિક્રેટના રંગમાં રંગાઈ જશે. છેલ્લી IPL સીઝન દરમિયાન એક પણ મેચ રાજકોટના ખંડેરી સ્ટેડિયમાં યોજાઈ નહોતી. જેના કારણે રાજકોટવાસીઓ નિરાશ થયા હતા. પરંતુ હવે તેમની નારાજગીનો અંત આવ્યો છે.
આગામી સમયમાં બાંગ્લાદેશની ટીમ ભારતના પ્રવાસે આવશે. જેમાં 2 ટેસ્ટ મેચ અને ત્રણ T20 મેચ રમાવાની છે. જે પૈકી બીજી T20 મેચ રાજકોટમાં રમાશે.આ ઉપરાંત ઓસ્ટ્રેલિયાનો ભારત પ્રવાસ દરમિયાન ત્રણ વન ડે પૈકી બીજી વન ડે મેચ રાજકોટમાં રમાશે. રાજકોટમાં પહેલી મેચ નવેમ્બર મહીનામાં તો બીજી મેચ જાન્યુઆરી માસમાં રમાશે. BCCI એ આ મેચનો કાર્યક્રમ પણ જાહેર કર્યો છે.
