પ્રેસ કોન્ફરન્સમાં કપિલ દેવે જણાવ્યું કે ત્રીજા નંબર પર ઓસ્ટ્રેલિયાના ટોમ મૂડી અને બીજા નંબર પર ન્યુઝીલેન્ડના માઇક હસન રહ્યાં હતાં. કપિલે જણાવ્યું કે ત્રણ સભ્યોમાંથી બધાને અલગ અલગ પોઇન્ટ આપ્યા હતાં.
શાસ્ત્રીની સાથે કોચ પદની રેસમાં ન્યુઝીલેન્ડના ભૂતપૂર્વ કોચ માઇક હેસન અને શ્રીલંકાના ભૂતપૂર્વ કોચ ટોમ મૂડી સિવાય વેસ્ટ ઇન્ડિઝ અને અફધાનિસ્તાનના ભૂતપૂર્વ કોચ ફિલ સિમંસ, ભારતના ભૂતપૂર્વ ફીલ્ડીંગ કોચ રોબિન સિંહ અને ભારતના ભૂતપૂર્વ મેનેજર લાલચંદ રાજપૂત પણ સામેલ હતાં.
અંશુમાન ગાયકવાડે જણાવ્યું કે શાસ્ત્રી પહેલેથી જ ટીમની સાથે છે. તે ટીમને જાણે છે અને તેની પાસે પ્લાન છે. તેમજ શાસ્ત્રી ખેલાડીઓને અને સિસ્ટમને પારખે છે.
કોહલીની પસંદ છે શાસ્ત્રી
કેપ્ટન વિરાટ કોહલીએ શાસ્ત્રીને ફરી કોચ બનાવવા માટે ધારદાર દલીલ કરી હતી. તેને વેસ્ટ ઇન્ડિઝ જતા પહેલા જણાવ્યું હતું કે જો શાસ્ત્રી ફરી કોચ બનશે તો ખુશી થશે. તેના સિવાય આગામી બે વર્ષોમાં ભારતીય ટીમને સતત બે વર્લ્ડ કપ રમવાના છે તેવામાં શાસ્ત્રીને કોચ પદ માટે યથાવત રાખવાનો નિર્ણય અહમ છે.
શાસ્ત્રીનો રેકોર્ડ
જૂલાઇ 2017થી ભારતીય ટીમે શાસ્ત્રીના કોચ હેઠળ 21માંથી 13 ટેસ્ટ મેચમાં જીત મેળવી છે. જેની જીતની એવરેજ 52.3 રહી છે. જ્યારે T 20માં 69.44ની એવરેજ સાથે ભારતને 36 માંથી 25 મેચમાં જીત હાંસલ કરી છે. વન ડે મેચમાં આ રેકોર્ડ 71.67 રહ્યો હતો. જેમાં, 60માંથી 43 મેચોમાં જીત હાંસલ કરી છ
