ભારતીય ટીમ માટે મહેન્દ્રસિંહ ધોની અમૂલ્ય છેઃ કેપ્ટન કોહલી

ન્યૂઝ ડેસ્કઃ એક ઈન્ટરવ્યૂમાં ભારતીય ક્રિકેટ ટીમના કપ્તાન વિરાટ કોહલી પૂર્વ કપ્તાન મહેન્દ્રસિંહ ધોનીના વખાણ કરતો જોવા મળ્યો હતો. તેણે કહ્યું કે, મહેન્દ્ર સિંહ ધોની ભારતીય ક્રિકેટ ટીમ માટે અમૂલ્ય છે. તે ક્રિકેટને પૂરતો ન્યાય આપે છે. તેમની નિસ્વાર્થ ભાવના જ તેઓને બીજાથી અલગ તારે છે. ક્રિકેટને ઊંડા ઉતરીને સમજનારા ઘણાં ઓછા લોકોમાં તેમનો સમાવેશ થાય છે.

વર્લ્ડકપને ગણતરીના દિવસો બાકી રહ્યાં છે, ત્યારે વિરાટ કોહલી મહેન્દ્રસિંહ ધોનીના વખાણ કરતો જોવા મળે છે. તેને ખાનગી સમાચારના ઈન્ટરવ્યૂમાં ધોનીની વિશેષતાઓ વિશે વાત કરી હતી. વિરાટ કોહલીએ જણાવ્યું કે, “ધોની અનુભવનો ખજાનો છે. તેમણે મારી કારકિર્દી ઘડવા માટે મને યોગ્ય માર્ગદર્શન પૂરું પાડ્યું છે. ધોની પાસેથી એક વાત એ શીખી છે કે, માણસ પૈસાથી નહીં પણ પોતાના અનુભવોથી અમીર બને છે. તેમના માટે હંમેશા ટીમ મહત્વની રહી છે. તેઓ ટીમને પ્રોત્સાહિત કરવામાં કોઇ અછત રાખતા નથી. દરેક ખેલાડીને પીઠબળ આપી અને શ્રેષ્ઠ પ્રદર્શન કરવા પ્રોત્સાહન પૂરું પાડે છે.”

ભારતીય ટીમ માટે મહેન્દ્રસિંહ ધોની અમૂલ્ય છેઃ વિરાટ કોહલી

આ ઉપરાંત કોહલીએ જણાવ્યું કે, “ક્રિકેટમાં તેમના જેવી માસ્ટરી અને સૂઝ બહું ઓછા લોકો ધરાવે છે. તેઓ જે રીતે ગણતરી પ્રમાણે કિક્રેટ રમે છે, તે ભાગ્યે કોઇ કરી શકે. તેનું ઉત્તમ ઉદાહરણ તમે આઇ.પી.એલમાં જોઇ શકો છે. તેમણે જે રીતે આઇ.પી.એલમાં કપ્તાનની જબાવદારી સંભાળી છે તે એ બતાવે છે કે, તેઓ ટીમ માટે કેટલા મહત્વના છે. કોહલીએ વર્લ્ડકપ વિશે વાત કરતાં કહ્યું કે, 30 મેથી વર્લ્ડકપની શરૂઆત થઇ રહી છે. જેમાં ધોની અને વાઇસ કપ્તાન રોહિત શર્મા ટીમનું નેતૃત્વ સંભાળી રહ્યાં છે. મને તેમના પર મને પૂરો વિશ્વાસ છે. તેમનું ટીમમાં હોવું એ જ ભારતીય ક્રિકેટ ટીમ માટે નસીબની વાત છે. ક્રિકેટમાં આવતી મુશ્કેલીઓ વિશે વાત કરતાં તેમણે કહ્યું કે, આ અમારા માટે પડકારજનક રહ્યું છે. જેની પર ગર્વ કરી શકીએ છીએ. એક યુવા ટીમની માટે મુશ્કેલી સામે ઝઝૂમવું એ ટીમ માટે મહત્વની વાત છે. કારણ કે, આવા પડકારોથી જ શીખવા મળે છે.” ટીમને લઇને પોતાની વાત મુકતાં તેમણે કહ્યું કે, "જાન્યુઆરી 2018થી લઇને અત્યાર સુધી જેટલી પણ સીરિઝ રમ્યાં છીએ, અમે ચોક્કસ માનસિકતા સાથે રમ્યાં છે કે, અમારે શું મેળવવું છે અને અમારે ક્યાં પહોંચવું છે. મેં ક્યારેય પણ વિચાર્યું ન હતું કે, મારા જીવનથી કે કામથી હું કોઇને ક્યારેય પ્રેરિત કરી શકીશ. હું એવા મુકામે પહોંચી શક્યો એ માટે સૌનો આભાર માનું છું. ક્રિકેટ ટીમથી રમાય છે. માટે જીત કે હાર કોઈ એક વ્યક્તિની હોતી નથી. માટે ટીમ એ પહેલી પ્રાથમિકતા છે.”