મુંબઇ : ઇરફાન પઠાણની 57 રનની શાનદાર ઇનિંગ્સના સહારે ઇન્ડિયા લીજેન્ડસે શ્રીલંકા લીજેન્ડસેને 5 વિકેટથી હરાવ્યું હતું. આ સાથે જ સીરીઝમાં બીજી જીત હાંસલ કરી હતી.
પહેલી બેટિંગ કરતા શ્રીંલકા લીજેન્ડસે 20 ઓવરમાં 8 વિકેટે ગુમાવી 138 રન બનાવ્યા હતાં. જેના જવાબમાં ઇન્ડિયન લીજેન્ડસે આ ટાર્ગેટને 18.4 ઓવરમાં જ 5 વિકેટ સાથે હાંસલ કરી લીધો હતો.
આ પહેલા ઇન્ડિયા લીજેન્ડસેના કેપ્ટન સચિન તેંદુલકરે ટોસ જીતી અને ફિલ્ડીંગ પસંદ કરી હતી. આ તકે પ્રથમ બેટિંગ કરતા શ્રીલંકા લીજેન્ડસે શરૂઆત સારી કરી હતી. જેની પ્રથમ વિકેટ 46 રન પર પડી હતી.
આ તકે ટાર્ગેટને ચેજ કરતા ઇન્ડિયા લીજેન્ડસેની શરૂઆત ખરાબ રહી અને 19 રનમાં જ 3 વિકેટ ગુમાવી હતી, ત્યારબાદ કેફ અને સંજય બાંગરે ઇનિંગ્સને સંભાળી હતી અને ટીમને જીત તરફ દોરી હતી અને ટાર્ગેટને હાંસલ કર્યો હતો.
