મુંબઇ: ધારાવાહિક 'કુમકુમ ભાગ્ય'ના સેટ પર શોર્ટ સર્કિટને કારણે આગ લાગી ગઇ હતી. મુંબઇના કાંદિવલી સ્થિત કિલીક નિક્સન સ્ટુડિયોમાં આ ધારાવાહિકનું શૂટિંગ ચાલી રહ્યું હતું.
આગની ઘટના વખતે શૂટિંગ ચાલી રહ્યું હતું પરંતુ કલાકારોને સલામત સ્થળે ખસેડવામાં આવ્યા હતા. શ્રીતી ઝા, શબ્બીર અહલુવાલિયા, મુગ્ધા ચાફેકર દ્વારા અભિનીત આ ધારાવાહિક એકતા કપૂરની પ્રખ્યાત ધારાવાહિક પૈકીની એક છે.
લાંબા સમયના લોકડાઉન બાદ થોડા દિવસ પહેલા જ આ ધારાવાહિકનું શૂટિંગ શરૂ કરવામાં આવ્યું હતું. અભિનેત્રી શ્રીતી ઝાએ તેના ઈન્સ્ટાગ્રામ એકાઉન્ટ પર પોસ્ટ મૂકી પોતે સુરક્ષિત હોવાની માહિતી આપી હતી.