મુંબઈઃ દિશા પટનીની બહેન આર્મીમાં છે અને તેના પર દિશાને ગર્વ છે. દિશાએ સોશિયલ મીડિયામાં મોટી બહેન ખુશ્બુના આર્મી ટ્રેનિંગના ફોટા શેર કર્યા છે. ફોટોમાં ખુશ્બુ નાના વાળ અને શોર્ટસ પહેરીને પોતાની ડ્રેસ તૈયાર કરતી જોવા મળે છે, જ્યારે બીજા ફોટોમાં તે વૂમન ઑફિસર સાથે ફિલ્ડ પર જોવા મળે છે.
ફોટો શેર કરીને દિશાએ લખ્યું કે, મારી બહેન આર્મી ટ્રેનિંગના દિવસોમાં છે. દરેક દિવસ વૂમન ડે હોય છે. બીજા ફોટોમાં તેમણે લખ્યું કે, બહેન તમને સલામ હું કલ્પના પણ નથી કરી શકતી કે, તમે કેવી પરિસ્થિતિમાંથી પસાર થયાં છો.
દિશા પટની ટૂંક સમયમાં મોહિત સુરીની આવનારી ફિલ્મ 'એક વિલન-2'માં જ્હોન અબ્રાહમ અને આદિત્ય રોય કપૂર સાથે જોવા મળશે. દિશાએ સોશિયલ મીડિયા પર ફોટો શેર કરીને આ અંગે માહિતી આપી હતી.
જો વર્કફ્રન્ટની વાત કરવામાં આવે તો, દિશા પટની છેલ્લી વખત આદિત્ય રોય કપૂર સાથે 'મલંગ'માં જોવા મળી હતી. મલંગમાં દિશા અને આદિત્યની સાથે અનિલ કપૂર અને કૃણાલ ખેમૂ મહત્વની ભૂમિકામાં જોવા મળ્યાં હતાં. ફિલ્મના ડાયરેક્ટર મોહિત સુરી હતાં.
