- 'નાગિન 3' ફેમ પર્લ વી પુરી 14 દિવસની ન્યાયિક કસ્ટડીમાં
- પાંચ વર્ષની બાળકી પર દુષ્કર્મનો આરોપ
- સમર્થન માટે પર્લએ સોશિયલ મીડિયાનો સહારો લીધો
પાલઘર: મહારાષ્ટ્રની વસઈ કોર્ટે શનિવારે ધરપકડ કરાયેલા ટેલિવિઝન એક્ટર પર્લ વી પુરી (Pearl V Puri)ને 14 દિવસની ન્યાયિક કસ્ટડીમાં મોકલ્યો છે. અધિકારીઓએ આ માહિતી આપી હતી. બે વર્ષ પહેલા પાંચ વર્ષની બાળકીની છેડતી અને દુષ્કર્મના આરોપમાં શુક્રવારે મોડી રાત્રે ધરપકડ કરવામાં આવી હતી અને પુરીને વસઈ સેશન્સ કોર્ટના જજ અદિતિ કદમ સમક્ષ રજૂ કરવામાં આવ્યો હતો. જેણે પુરીને 14 દિવસની ન્યાયિક કસ્ટડીમાં મોકલી આપ્યો હતો.
આ પણ વાંચો: અભિનેતા દિલીપકુમાર (Dilip Kumar ) ની તબીયત લથડતા હોસ્પિટલમાં દાખલ, શ્વાસ લેવામાં થઇ રહી છે તકલીફ
'નાગિન 3' ફેમ પર્લ વી પુરી 14 દિવસની ન્યાયિક કસ્ટડીમાં
પ્રાપ્ત થતી વિગતો મુજબ, પર્લ જામીન અરજી દાખલ કરવાની સંભાવના છે. જેના પર સોમવારના રોજ અદાલતમાં સુનાવણી થશે. 31 વર્ષીય 'નાગિન 3' અભિનેતાને મીરા-ભાયંદર વસઈ-વિરાર પોલીસ કમિશ્નરે IPC સેકશનના આરોપો લાગુ કરતા ધરપકડ કરી હતી.
આશરે બે વર્ષ પહેલાં પાંચ વર્ષની બાળકી સાથે છેડતી અને દુષ્કર્મ આચર્યું હતું
અધિકારીઓએ જણાવ્યું કે, 376 એબી અને પોક્સો એક્ટ, 4, 8, 12, 19, 21 મુજબ કેસ નોંધાયો છે. કેસ નોંધાવનાર વાલીવ પોલીસ સ્ટેશન મુજબ, પીડિતાના પરિવારે ફરિયાદ કરી હતી કે પુરીએ આશરે બે વર્ષ પહેલાં પાંચ વર્ષની બાળકી સાથે છેડતી અને દુષ્કર્મ આચર્યું હતું, જ્યારે તે અહીં શૂટિંગ માટે આવ્યો હતો.
આ પણ વાંચો: યામી ગૌતમ 'ઉરી'ના ડાયરેક્ટર આદિત્ય ધર સાથે લગ્નનાં તાંતણે બંધાઈ
સમર્થન માટે પર્લએ સોશિયલ મીડિયાનો સહારો લીધો
બનાવને પગલે અભિનેતાએ કેટલાયે દોસ્તો અને ઉદ્યોગના સહયોગીઓને પર્લ માટે પોતાનું સમર્થન આપવા માટે શનિવારના રોજ સોશિયલ મીડિયાનો સહારો લીધો હતો.
