બોલીવુડ એક્ટ્રેસ તાપસી પન્નૂએ ફિલ્મ 'ગેમ ઓવર' માં ફરી પોતાનો ટૈલેંટ સાબિત કર્યું છે. કહેવાય છે કે, અભિનેત્રી ફિલ્મના અભિનયને પોતાનામાં પુરો સમાવી લે છે જેથી તે રોલનો થોડો ભાગ અભિનેત્રીમાં પણ રહી જાય છે. તેણે કહ્યું કે, ફિલ્મબાદ તે અભિનયને પોતાના મન અને મગજમાંથી કાઢી નાખે છતા પણ 10 ટકા જેટલી અસર તેનામાં રહી જાય છે.
તાપસીએ એક ઘટનાને યાદ કરતા કહ્યું કે, એકવાર તે પોતાની બહેન સાથે ડિનર પર ગઈ હતી ત્યારે ડ્રાઈવરના ગાડી કાઢવાની રાહ જોતા સમયે સીગ્નલ પર ઉભેલા એક બાઈકસવારે પોતાનો મોબાઈલ કાઢી ફોટો લેવા જઈ રહ્યો હતો તે દરમિયાન અભિનેત્રીએ તે વ્યક્તિ પર ખુબ જ ગુસ્સે ભરાઈ અને કહ્યું કે, 'મોબાઈલ મુકી દે નહીંતર તોડી નાખીશ'
