કંગનાએ મહારાષ્ટ્રની માફી માગવી જોઇએઃ સંજય રાઉત

કંગનાની મુંબઈને મિની પાકિસ્તાન સાથે સરખાવવાની ટિપ્પણી પર વળતો પ્રહાર કરતા શિવસેનાના સાંસદે તેમના પર જુઠ્ઠુ બોલ્યાનો આરોપ લગાવતા કહ્યું હતું કે, "કંગનાને મુંબઇએ ઘણું આપ્યું હતું અને હવે તે સમગ્ર દુનિયામાં મુંબઈ અને મુંબઈ પોલીસનું નામ બદનામ કરવાનું કામ કરી રહી છે."

મુંબઇઃ અભિનેત્રી કંગના રનૌતની માફી માગવાની મનાઇ કરતા શિવસેનાના સાંસદ સંજય રાઉતે રવિવારે કહ્યું હતું કે, કંગનાએ મહારાષ્ટ્રની માફી માગવી જોઈએ.

કંગનાથી માફી માગશે કે કેમ તે અંગેના સવાલ પર સાંસદ રાઉતે કહ્યું કે, જો તે છોકરી (કંગના) મહારાષ્ટ્રની માફી માગશે તો હું માફી માગવા વિશે વિચાર કરીશ."

રાઉતે સવાલ કરતા કહ્યું કે, "તેણીએ મુંબઈ મીની પાકિસ્તાન સાથે સરખાવ્યું છે. શું તે અમદાવાદને આમ કહેવાની હિંમત ધરાવે છે?

આ પહેલા ગુરુવારે અભિનેત્રીએ ટ્વિટર પર દાવો કર્યો હતો કે, "સંજય રાઉત, શિવસેનાના નેતાએ મને ખુલ્લી ધમકી આપી છે અને મને મુંબઈ પાછા ન આવવાનું કહ્યું છે. મુંબઇની શેરીઓમાં આઝાદી પછી અને હવે ખુલ્લી ધમકીઓ છે.

વધુમાં જણાવીએ તો કંગનાએ પોતાના અનેક ટ્વીટમાં જણાવ્યું છે કે, "એક ફેમસ સ્ટાર માર્યા ગયા પછી મેં ડ્રગ અને મૂવી માફિયા રેકેટ વિશે વાત કરી, હું મુંબઈ પોલીસ પર વિશ્વાસ કરતી નથી. કારણ કે, તેઓ એસએસઆરની ફરિયાદોને અવગણતા હતા. તેમણે બધાને કહ્યું હતું કે, તેઓ તેને મારી નાખશે તેમ છતાં તે માર્યો ગયો હતો. જો મને અસુરક્ષિત લાગે, તો શું તેનો અર્થ એ છે? મને ઈન્ડસ્ટ્રી અને મુંબઇથી નફરત છે? "

કંગનાના અભિનેતા સુશાંત સિંહ રાજપૂતની મૃત્યુ સાથે જોડાયેલા નિવેદનો પછી આ ટિપ્પણીઓ આવી છે, જે 14 જૂને તેમના મુંબઇ નિવાસસ્થાને મૃત હાલતમાં મળી આવ્યા હતા.