ફરહાન અખ્તર હાલ તેમની આગાની ફિલ્મ 'તુફાન'ના શૂટિંગમાં વ્યસ્ત છે. આ ફિલ્મમાં તે એક બોક્સરનો રોલ ભજવી રહ્યા છે. આ ફિલ્મ એક સ્પોર્ટસ ડ્રામા ફિલ્મ છે. ફિલ્મના પહેલા શિડયુલનું શુટિંગ પુર્ણ થઈ ગયું છે. શૂટિંગ દરમિયાન ફરહાનને ઈજા પહોંચી હોવાથી તે હાલ આરામ પર હતા. જોકે, હાલ ફરહાન સ્વસ્થ થઈને શૂટિંગના બીજા શિડયુલમાં કામે લાગી ગયા છે.
ફિલ્મના સેટ પરથી ફરહાન અખ્તરે સોશિયલ મીડિયામાં એક બીટીએસ ફોટો શેર કર્યો હતો. ફોટોમાં તે ટશન અંદાજમાં જોવા મળી રહ્યાં છે. ફોટો શેર કરતા કેપશનમાં લખ્યું છે, 'તુફાન વર્જન 2.0'.
તુફાનની આ પોસ્ટ પર મૃણાલ ઠાકુરે કોમેન્ટ કરતા સેડ અને ક્રાઈંગ ઈમોજી સાથે કર્લ્સ લખ્યું તો ગલીબોય એક્ટર સિદ્ધાર્થ ચતુર્વેદીએ પણ ઈમોજી સાથે કોમેન્ટ કરી હતી.
આ ફિલ્મનું નિર્દેશન રાકેશ ઓમપ્રકાશ કરી રહ્યા છે. ફરહાન અખ્તર સિવાય આ ફિલ્મમાં પરેશ રાવલ અને ઈશા તલવાર પણ જોવા મળશે. ફિલ્મની કહાની અંજુમ રાજાબાલીએ લખી છે. જેનું નિર્માણ ફરહાન અખ્તર, રિતેશ સિધવાની અને રાજીવ ટંડન કરી રહ્યાં છે.
