દીપિકાના માતા-પિતા અને બહેન થયા કોરોના સંક્રમિત

દીપિકા પાદુકોણના માતા-પિતા અને નાની બહેન અનિશા પાદુકોણ કોરોના સંક્રમિત થયા છે. પિતા પ્રકાશ પાદુકોણને સારવાર માટે હોસ્પિટલમાં ખસેડવામાં આવ્યા છે.

• અભિનેત્રી દીપિકા પાદુકોણના પરિવારને થયો કોરોના
• માતા અને બહેન હોમ આઈસોલેશનમાં, પિતા હોસ્પિટલમાં
• અભિનેત્રીએ રવિવારે મેન્ટલ હેલ્થને લઈને હેલ્પલાઈન નંબર શેર કર્યો

હૈદરાબાદ: બોલિવૂડ અભિનેત્રી દીપિકા પાદુકોણના પિતા પ્રકાશ પાદુકોણ, માતા ઉજ્જલા પાદુકોણ અને નાની બહેન અનિશા પાદુકોણ કોરોના સંક્રિત થયા છે. અહેવાલો અનુસાર, પાદુકોણ પરિવારમાં 10 દિવસ અગાઉ કોરોનાના પ્રારંભિક લક્ષણો જોવા મળ્યા હતા. જેના કારણે પરિવારે કોરોના ટેસ્ટ કરાવતા રિપોર્ટ પોઝિટિવ આવ્યો હતો.

પિતા પ્રકાશ પાદુકોણ સારવાર માટે હોસ્પિટલમાં

દીપિકાની માતા અને બહેન રિકવર થઈ રહ્યા છે, પરંતુ પિતા પ્રકાશનો તાવ ઓછો ન થતા તેમને શનિવારે હોસ્પિટલમાં દાખલ કરવામાં આવ્યા હતા. સૂત્રોના જણાવ્યા અનુસાર, તેમનું સ્વાસ્થ્ય સુધારા પર છે અને તેમને જલદી જ હોસ્પિટલમાંથી રજા આપવામાં આવશે.