મુંબઈ: બોલિવૂડ સેલેબ્સ એ લોકોને બ્લડ ડોનેશનની અપીલ કરી રહ્યાં છે, જેઓ કોવિડ-19થી સ્વસ્થ થઈ ગયા છે. કોવિડ-19થી સ્વસ્થ થયેલા લોકોનું લોહી એ લોકો માટે ફાયદાકારક છે જેઓ અત્યારે કોરોના વાઈરસ સામે ઝઝૂમી રહ્યાં છે.
અજય દેવગણે કહ્યું છે કે, 'બ્લડ ડોનેશન એ લોકો માટે ફાયદાકારક છે જેઓ અત્યાર કોરોના વાઈરસને લીધે ગંભીર રીતે સંક્રમિત છે.'
અજયે સોશ્યિલ મીડિયા પોસ્ટ પર લખ્યું છે કે, 'જો તમે કોવિડ-19થી સ્વસ્થ થઈ ગયા છો, તો તમે કોરોના વૉરિયર છો. આ અદ્રશ્ય દુશ્મનથી જીતવા વૉરિયર આર્મીની જરુરિયાત છે. તમારા લોહીમાં એ બુલેટ્સ છે, જે વાઈરસનો ખત્મ કરી શકે છે. તમે રક્તદાન કરો જેથી બીજા લોકો જલ્દી સ્વસ્થ થઈ શકે.'
અભિનેતા ઋતિક રોશન અને વરુણ ધવને પણ આવી જ અપીલ કરી છે.
