ટીવી એક્ટ્રેસ મૌની રૉય સીરિયલની સાથે સાથે બોલિવુડ ફિલ્મો પણ કરી રહી છે. તેણી 'ગોલ્ડ' અને 'રૉ' બાદ હવે આગામી ફિલ્મ 'બ્રહમાસ્ત્ર' માં પણ દેખાશે. થોડા દિવસો અગાઉ એવી ઘોષણા કરવામાં આવી હતી કે, મૌની રૉય નવાઝુદ્દીન સિદ્દીકી સાથેની ફિલ્મ 'બોલે ચૂડિયા' માં નજર આવશે પરંતુ હવે ખબરોની માનીએ તો અભિનેત્રીને ફિલ્મમાંથી બહાર કરવામાં આવી છે. જેનું કારણ છે મૌનીનું અનપ્રોફેશનલ બિહેવિયર...
જો કે, 'બોલે ચૂડિયા' ના નિર્માતાનું કહેવું છે કે, તેઓએ મૌની રૉયને ખબરોમાં લાવવા માટે ખુબ જ પૈસાઓ ખર્ચ કર્યા છે પરંતુ એક વાર લાઈમલાઈટમાં આવ્યા બાદ મૌની અને તેની એજન્સી ફિલ્મને આપવામાં આવેલી તારીખોને અન્ય ફિલ્મ માટે ઉપયોગ કરવા માંગતી હતી. MOU (પરસ્પર સહમતીથી કરાર) કર્યા બાદ પણ તેમની ટેલેન્ટ એજન્સી એવું કહેતી રહી છે મૌની ટ્રાવેલ કરી રહી છે. એજન્સી આશ્વાસન આપી રહી છે કે, તેઓ મૌનીને 1-2 દિવસમાં સ્ક્રિપ્ટ આપશે. તેઓની આ બાબત બાદ જ ફિલ્મના ફર્સ્ટ લુકની ઘોષણા કરવામાં આવી હતી. તેવામાં આ બાબત સીધી રીતે કહીએ તો વિશ્વાસઘાત સમાન છે.
આ બાબત વિશે જ્યારે ફિલ્મ નિર્માતાને પૂછવામાં આવ્યું તો રાજેશ ભાટિયાએ કહ્યું કે, અમે આ વાતને અવગણીએ છિએ કે અમારામાંથી કોઈએ પણ મૌની સાથે ખોટું વર્તન કર્યું છે. કોન્ફરન્સ રુમમાં એ વખતે 25 લોકો પહેલાથી જ હાજર હતા, જ્યારે મૌની રૉય સ્ક્રિપ્ટ રીડિંગના નક્કિ કરેલા સમય કરતા 3 કલાક મોડી આવી હતી. સાચું તો એ છે કે, મૌનીનો સ્વભાવ બેજવાબદાર છે. તે વેકેશન માણવામાં વ્યસ્ત હતી અને તેઓએ અત્યાર સુધી એકવાર પણ સ્ક્રિપ્ટ રીડિંગમાં ભાગ લીધો હશે.
તેઓએ વધુમાં કહ્યું કે, અમે ફિલ્મ માટે એક મોટી રકમ લગાવી છે અને તેને પૂર્ણ વિનમ્રતા સાથે કોઈપણ પ્રોફેશનલિઝ્મ અને ફિલ્મ પ્રતિ સમર્પણ દેખાડવા માટે કહેવું ખોટું છે તો હું તેમને યાદ કરવવા માગું છું કે, ફિલ્મ બનાવવી એ સરળ કામ નથી તેમાં ધણા પૈસા લાગે છે અને ફિલ્મ બનાવવી એ કોઈ અમારા માટે સમયપસાર કરવા જેવી બાબતો નથી. જ્યારથી અમે મૌનીને 'બોલે ચૂડિયા' માટે સાઈન કરી છે ત્યારથી ખુદ મૌની અને તેમની એજન્સીનું વર્તન બેજવાબદાર થઈ ગયું છે. ત્યા સુધી કે અમે તેઓને મહેનતાણું પણ પહેલાથી આપી દીધું છે.
29/5/19 ના રોજ થયેલી સ્ક્રિપ્ટની ફાઈનલ નરેશનના દિવસે પણ મૌની 3 ને બદલે સાંજે 5:30 વાગ્યે આવી હતી. તેઓના આ વર્તને નિર્માતાઓ, નિર્દેશન અને અભિનેતાઓને શર્મશાર કરી દીધા હતા. જો રોલની વાત કરીએ તો આ એક સારા પ્રકારની સ્ક્રિપ્ટ છે અને જ્યા સુધી રચનાત્મતાની વાત કરીએ તો એ ડાયરેક્ટર પર નિર્ભર કરે છે પરંતું તમને બધાને જણાવી દઉ કે, આ ફિલ્મમાં લેડીનો લીડ રોલ ખુબ જ મહત્વનો છે અને આમાં 5 ગીતો ફિમેલ લીડ પર બનાવવામાં આવશે.
ત્યારે આટલા મોટા અને શાનદાર હિરોઈનવાળા રોલ માટે ફરીયાદ કરવી ખોટી બાબતે છે. જ્યારે તેઓએ અત્યાર સુધીની તેમની ફિલ્મોમાં અને અન્ય ફિલ્મોમાં ખુબ જ નાના તેમજ સામાન્ય રોલ નિભાવ્યા છે. સાચું કહું તો તેઓને ખબર છે કે ખોટી છે છતાં પણ તે ખબરોમાં રહેવા માટે તેનો બચાવ કરી રહી છે. અમે મૌનીને તેની વર્તણુક માટે સમજાવાના ખુબ જ પ્રયત્નો કર્યા પરંતુ તેઓ એવું વર્તન કર્યું તે સેટ પર ઉપસ્થિત તમામ લોકો અચંબામાં પડી ગયા હતા.
ફિલ્મ નિર્માતા રાજેશ ભાટિયાએ વધુમાં ક્હયું કે, અમે તેને હટાવવાનો નિર્ણય કરી લીધો છે કારણ કે અમારે ફિલ્મનું શૂટિગ એક શિડ્યૂલમાં પૂર્ણ કરવું છે. જણાવી દઈએ કે, 'બોલે ચૂડિયા' નું શૂટિંગ પહેલાની જેમ જ સમય પર થશે પરંતુ એક નવી હિરોઈન સાથે અમે શૂટ કરીશું.
જણાવી દઈએ કે, મૌનીએ હાલમાં જ કરણ જોહરની ફિલ્મ 'બ્રહમાસ્ત્ર' અને દિનેશ વિજનની ફિલ્મ 'મેડ ઈન ચાઈના' નું શૂટિંગ પૂર્ણ કર્યું છે. આની સિવાય તે ગુલશન કુમારની બાયોપિક ફિલ્મ 'મુગલ' સાઈન કરી ચૂકી છે.
