સાન ફ્રાન્સિસ્કો: સેમસંગની મોબાઇલ એક્સપિરિયન્સ ટીમ (samsung mobile experience) તાજેતરમાં એવા સપ્લાયર્સ સાથે મળી હતી જેઓ 'ફોલ્ડેબલ માર્કેટ વિશે આશાવાદી લાગે છે'. AppleInsider અહેવાલ આપે છે કે, દક્ષિણ કોરિયાની વિશાળ સેમસંગે આગાહી કરી છે કે, તેની કટ્ટર હરીફ Apple 2024 સુધીમાં ફોલ્ડેબલ ટેબલેટ લોન્ચ (apple foldable tablet) કરી શકે છે.
એપલ ફોલ્ડેબલ આઇફોન: સેમસંગ મોબાઇલ એક્સપિરિયન્સ ટીમના જણાવ્યા અનુસાર, Apple 2024 સુધીમાં તેનું પ્રથમ ફોલ્ડેબલ ગેજેટનું અનાવરણ કરે તેવી શક્યતા છે. પરંતુ તે iPhone નહીં હોય. રિપોર્ટમાં કહેવામાં આવ્યું છે કે, "જોકે આઇફોન ફોલ્ડની ઘણી માંગ છે, પરંતુ ટેક્નોલોજી હજુ તૈયાર નથી થઈ શકે." વર્તમાન ફોલ્ડિંગ ફોનની વિશાળ ડિઝાઇન એપલની ડિઝાઇનને અનુરૂપ નથી.
ફોલ્ડેબલ માર્કેટમાં પ્રવેશવાનું બાકી: અગાઉ ઉદ્યોગ વિશ્લેષક ફર્મ CCS ઇનસાઇટે આગાહી કરી હતી કે, ટેક્નોલોજી ગુગલ ટૂંક સમયમાં ફોલ્ડેબલ ટેક્નોલોજી સાથે પ્રયોગ કરવાનું શરૂ કરશે. Apple હજુ સેમસંગની આગેવાની હેઠળના આકર્ષક ફોલ્ડેબલ માર્કેટમાં પ્રવેશવાનું બાકી છે. ફર્મના રિસર્ચ હેડ બેન વર્ડે કહ્યું, "ફોલ્ડેબલ આઇફોન એપલ માટે ખૂબ જ જોખમી છે. પ્રથમ તેને વર્તમાન આઇફોનથી અલગ ન કરી શકાય તેવું બનાવવા માટે તે અતિ ખર્ચાળ હશે." કંપની લગભગ 20 ઇંચના કદના ડિસ્પ્લે માટે ફોલ્ડ કરી શકાય તેવી તકનીકની શોધ કરી રહી છે.--IANS
