રાજકોટમાં આંગડિયા પેઢીના સંચાલક પાસેથી રૂપિયા 7 લાખની લૂંટ

રાજકોટ: શહેરમાં આંગડિયા પેઢીના સંચાલક પાસેથી રોકડની લૂંટની ઘટના સામે આવી છે. શહેરના B ડિવિઝન પોલીસ મથક વિસ્તારમાં આવેલા ખંડપીઠ રોડ પર નવદુર્ગા આંગડિયા પેઢીના સંચાલક પાસેથી રોકડની લૂંટ કરાય હતી. બે અજાણ્યા શખ્સો મો પર રૂમાલ બાંધી આવ્યા હતા અને રસ્તા પર કપિલા હનુમાન મંદિર નજીક સ્પીડ બેકર પર ગાડી ધીમી થતા આ લૂંટારાઓ રોકડ રૂપિયા ભરેલ થેલો લઈને નાસી છૂટ્યા હતા.

પ્રાથમિક દ્રષ્ટિએ સામે આવ્યું છે કે, આ બેગમાં રોકડ 7 લાખ હતા. જો કે, આ ઘટના બાદ લૂંટારાઓ મોપેડ પર જઈ રહ્યા હોવાના CCTV ફૂટેજ પણ સામે આવ્યા છે. બીજી તરફ શહેરમાં લૂંટની ઘટના સામે આવતા પોલીસ પણ એલર્ટ થઈ હતી અને લૂંટારાઓને ઝડપી પાડવા માટે નાકાબંધી પણ કરવામાં આવી છે. હાલ પોલીસે CCTV ફુટેજના આધારે આ ઇસમોને ઓળખવાની કવાયત હાથ ધરી છે.