જર્મની દેશમાં મસ્જિદ ટેક્સ લગાવવાની ચર્ચાએ જોર પક્ડ્યું છે. મસ્જિદ ટેક્સ લગાવવાનો મુખ્ય ઉદ્દેશ ઇસ્લામિક સંસ્થાઓને વિદેશથી મળતી મદદ અટકાવવાનું છે. મીડિયા રીપોર્ટ અનુસાર, એક સવાલના જવાબમાં જર્મનીના સંઘીય સરકારના નિર્ણયને સંભવિત તરીકે જોઇ રહ્યા છે.
મસ્જિદ ટેક્સથી પરોક્ષ રીતે આંતકવાદને રોકવા તેમજ ઇસ્લામિક વિચારધારાના પ્રભાવથી બચવાનો એક ઉપાય છે. એક અનુમાનને આધારે જર્મનીમાં 50 લાખથી વધુ મુસ્લિમ સમાજના લોકો વસવાટ કરી રહ્યા છે. તેમાંથી મોટાભાગના તુર્કી અને અરબ દેશના છે. જ્યારે 'તુર્કી ઇસ્લામિક યૂનિયન ઓફ ધ ઇન્ટીટ્યુટ ફોર રિલીજીયન' જર્મનીમાં 900 મસ્જિદોનું સંચાલન કરે છે. જર્મનીના મસ્જિદોના મૌલાનાને પગાર આપવામાં આવે છે.
જર્મનીના 16 રાજ્યોએ આ નિર્ણય પર સૈધ્ધાંતિક મંજૂરી આપી દીધી છે. આમ ભૂતકાળમાં જર્મનીએ ચર્ચ ટેક્સ મુકવામાં આવ્યો હતો, જે હજુ સુધી વસુલવામાં આવે છે. આમ ફરીથી હવે મસ્જિદ ટેક્સ લગાવવા બાબતે જર્મની ફરી ચર્ચામાં આવ્યું છે, જ્યારે જર્મની ઉપરાંત અન્ય યુરોપના દેશોમાં ચર્ચ ટેક્સ લગાવવામાં આવ્યા છે.
