પાકિસ્તાનના પૂર્વ સૈન્ય વડા સરમુખત્યાર પરવેઝ મુશર્રફને કોર્ટે મોતની સજા ફટકારી છે. વિશેષ અદાલતે 167 પાનાનો ચુકાદો આપ્યો હતો. કોર્ટે ચુકાદામાં લખ્યું હતું કે, જો ફાંસી પહેલા તેનુ મૃત્યું થઈ જાય તો, તેના મૃતદેહને ઢસડીને ઈસ્લામાબાદના ડી ચોક પર લાવી ત્રણ દિવસ સુધી લટકાવવામાં આવે.
પાકિસ્તાનના ઈતિહાસમાં પહેલીવાર એક વિશેષ અદાલતે રાજદ્રોહનાં આરોપમાં પૂર્વ સૈન્ય વડાને ફાંસીની સજા આપી છે.
કોર્ટેના જણાવ્યા મુજબ, કોર્ટ ફરાર અને દોષિતોને પકડીને કાયદા મુજબની સજા કરવામાં આવે છે. કાયદાનો અમલ કરનારી એજન્સીઓને તેમના શ્રેષ્ઠ પ્રયાસો કરવાની સૂચના આપી છે. જો મુશર્રફ મૃત હાલતમાં મળી આવે છે, તો તેના મૃતદેહને પાકિસ્તાનના ઈસ્લામાબાદના ડી-ચોકમાં લાવી, તેના મૃતદેહને ત્રણ દિવસ લટકાવી રાખવામાં આવે.
ઉલ્લેખનીય છે કે, પેશાવર હાઈ કોર્ટ(PHC)ના મુખ્ય ન્યાયાધીશ વકાર અહમદ શેઠની અધ્યક્ષતામાં ત્રણ જજોની સમિતિમાં સુનવણી કરી હતી. આ સમિતિમાં અન્ય બે સભ્યોમાં સિંધ ઉચ્ચ ન્યાયાલય(SHC)ના ન્યાયમુર્તિ નજર અકબર અને લાહોર ઉચ્ચ ન્યાયાલયના ન્યાયમુર્તિ શાહ કરીમનો સમાવેશ થાય છે. બંધારણની કલમ 6 મુજબ મુશર્રફને દોષી ઠરાવવામાં આવ્યો હતો.
આ પહેલા 2016થી મુશર્રફ સારવાર માટે દુબઈ ગયો હતો, જે બાદ પાછો ફર્યો ન હતો. પૂર્વ સૈન્ય સરમુખત્યાર વિરૂદ્ધ ડિસેમ્બર 2013થી રાજદ્રોહનો કેસ ચાલુ છે.
31 માર્ચ 2014ના દિવસે તેને પાકિસ્તાન કોર્ટે દોષી ઠેરવ્યો હતો. ફરિયાદી પક્ષે સપ્ટેમ્બરમાં વિશેષ અદાલતમાં પુરતા પુરાવા રજૂ કર્યા હતા.
મુશર્રફ માર્ચ 2016માં શારિરીક ઉપચાર માટે પાકિસ્તાન બાહર ગયો હતો, જે કારણે તેની સુનવણી રોકી દેવામાં આવી હતી.
વારંવાર સમન્સ આપ્યા બાદ પણ અદાલતમાં હાજર થતો ન હતો, જે બાદ પાકિસ્તાનનાં પૂર્વ રાષ્ટ્રપતિને ભાગેડું(ફરાર) જાહેર કરી,પાકિસ્તાનની કેન્દ્રીય તપાસ સંસ્થા(FIA)ને તેની ધરપકડ કરવા આદેશ આપ્યો હતો.
