બેરૂત: તુર્કીની સેનાએ સીરિયાના બે યુદ્ધ વિમાનને તોડી પાડ્યા છે. જેની જાણકારી સીરિયાઈ સેનાએ આપી છે. સીરિયા સેનાએ રવિવારે જણાવ્યું હતું કે, તુર્કીએ પશ્ચિમ સીરિયાના ઇદલિબ પ્રાંતમાં સીરિયા બે યુદ્ધ વિમાન નિશાન બનાવ્યાં હતાં.
બીજી તરફ તુર્કીની સેનાએ કહ્યું હતું કે, "અમે સીરિયાના ઉત્તર-પશ્ચિમ ઇદલિબ વિસ્તારમાં રશિયન સમર્થિત સીરિયન શાસન સામે લશ્કરી કાર્યવાહી કરી રહ્યાં છીએ, પરંતુ અમે રશિયા સાથે સંઘર્ષ ઇચ્છતા નથી."
નોંધનીય છે કે, ગુરુવારે તુર્કીએ 12 જેટલા સૈનિકોની હત્યા પછી સીરિયામાં અનેક હુમલા કર્યો છે. તેણે પ્રથમ વખત પોતાના આ અભિયાનની પુષ્ટિ કરી છે. તુર્કીના સંરક્ષણ પ્રધાન હુલુસી અકારે ટેલીવિઝન સંબોધનમાં જણાવ્યું હતું કે, "ઇદલિબમાં 27 ફેબ્રુઆરીએ થયેલા જીવલેણ હુમલ બાદ ઓપરેશન સ્પ્રિંગ શીલ્ડ સફળતાપૂર્વક ચાલું કરાયું છે."
મંત્રીએ કહ્યું કે, "અમારે રશિયા સાથે લડવામાં કોઈ રસ નથી અને અમારો આવો કોઈ હેતુ નથી. અમારો હેતુ શાસની નરસંહાર અટકાવવાનો છે. અમને આશા છે કે, સીરિયા શાસની હુમલા અટકાવશે અને વિચારના કરાર હેઠળ સીરિયા સૈન્યને સીમાથી પાછું ખેંચવાનો પ્રયત્ન કરશે.'
મહત્વનું છે કે, ગત ગુરુવારે સીરિયામાં 30 તુર્કી સૈનિકો માર્યા ગયાં હતાં.
