વૉશિંગ્ટન: અમેરિકાના ભૂતપૂર્વ રાષ્ટ્રપતિ બિલ ક્લિન્ટન અને વ્હાઇટ હાઉસની ઇન્ટર્ન મોનિકા લેવિંસ્કીના જાતિય સંબંધો જાહેર કરનારી એક અમેરિકન સિવિલ કર્મચારીનું અવસાન થયું છે. ગુરુવારે આ માહિતી મળી હતી.
70 વર્ષીય લિંડા ટ્રિપનું સ્વાદુપિંડના કેન્સરથી મૃત્યુ થયું હતું. તેમના પરિવારે આ માહિતી આપી હતી. ક્લિન્ટન પર 1998માં થયેલા મહાભિયોગના પ્રસ્તાવમાં લેવિંસ્કી સાથેની લિંડાની વાતચીતનું રેકોર્ડિંગ ટ્રાયલ બન્યું હતું. લિંડાએ સ્પેશિયલ પ્રોસીક્યુટર કેનેથ સ્ટાર સામે આ ટેપ રજૂ કરી હતી.
મીડિયા રિપોર્ટ્સમાં જણાવાયું છે કે, લિંડાએ પેન્ટાગોનમાં કામ કર્યું હતું અને લેવિન્સકી સાથે 24 વર્ષનો વય તફાવત હોવા છતાં મિત્રતા કેળવી હતી અને વાતચીત કરી હતી. આ વાતચીતમાં ખબર પડી કે, આ યુવતીના રાષ્ટ્રપતિ સાથે શારીરિક સંબંધ હતાં. આ સેક્સ કૌભાંડને કારણે ક્લિન્ટનને 1998માં રિપબ્લિકનના અવિશ્વાસ પ્રસ્તાવનો સામનો કરવો પડ્યો હતો.
આ બાબતે ગૃહ ઓફ રિપ્રેઝન્ટેટિવ્સ દ્વારા એક પ્રસ્તાવ પાસ કરવામાં આવ્યો હતો અને આ સંબંધો વિશે ખોટું રાષ્ટ્રપતિ ખોટું બોલ્યાં હોવાનું જણાવાયું હતું. જો કે, સેનેટમાં ડેમોક્રેટ્સની બહુમતિને કારણે બિલ ક્લિન્ટન મહાભિયોગથી બચી ગયાં હતાં, પરંતુ તેમની છબી પર મોટી અસર પડી હતી.
