હૈદરાબાદ: બોલિવૂડ એક્ટર સિદ્ધાંત ચતુર્વેદીએ કેટરિના કૈફ (Siddhant Chaturvedi tried to impress Katrina) પર પોતાનો ક્રશ જાહેર કર્યો છે. સિદ્ધાંતે કહ્યું છે કે તે કેટરિના કૈફ પર ફિદા હતો. સિદ્ધાંત અને કેટરીના હવે ફિલ્મ ફોન ભૂતમાં (Movie Phone bhoot) સાથે જોવા મળવાના છે. આ અંગે સિદ્ધાંતે ફિલ્મ સાથે જોડાયેલા ઈન્ટરવ્યુ દરમિયાન આ વાતનો ખુલાસો કર્યો છે.
કેટરીનાને ઈમપ્રેશ કરવામાં વ્યસ્ત: સિદ્ધાંતે ખુલ્લેઆમ કેટરિના પ્રત્યેના પોતાના પ્રેમ વિશે જણાવ્યું. સિદ્ધાંતે કહ્યું કે હું તે દિવસે ફિલ્મમેકર જોય અખ્તરની પાર્ટીમાં પણ હતો. મેં કેટરિના અને વિકીને એકબીજા સાથે વાત કરતા જોયા. અહીં, હું પાર્ટીમાં કેટરીનાને પોતાના ડાન્સથી ઈમપ્રેશ કરવામાં વ્યસ્ત હતો, પરંતુ કેટરીના તે સમયે વિકી સાથે વાત કરવામાં એટલી વ્યસ્ત હતી કે તેણે મને જોયો પણ નહોતો. સિધ્ધાંતે કહ્યું કે હું ડાન્સ કરતો રહ્યો અને વિકી ભાઈ કેટરિનાને લઈ ગયો.
ફિલ્મ 4 નવેમ્બરના રોજ રીલિઝ: સિદ્ધાંત ખુલાસા બાદ સોશિયલ મીડિયા પર જબરદસ્ત હાઈપ થઈ રહ્યો છે. તમને જણાવી દઈએ કે, સિદ્ધાંત પહેલીવાર અભિનેત્રી કેટરીના કૈફ સાથે કોઈ ફિલ્મમાં જોવા મળી રહ્યો છે. ગુરમીત સિંહ દ્વારા નિર્દેશિત ફિલ્મ ફોન ભૂત 4 નવેમ્બરના રોજ રીલિઝ થવા જઈ રહી છે. આ ફિલ્મમાં કેટરીના અને સિદ્ધાંત ઉપરાંત શાહિદ કપૂરનો નાનો ભાઈ ઈશાન ખટ્ટર પણ મહત્વની ભૂમિકામાં છે.
કેટરિના કૈફ ભૂતના રોલમાં: સિદ્ધાંત, ઈશાન અને કેટરિના કૈફ આ દિવસોમાં ફિલ્મનું જોરદાર પ્રમોશન કરી રહ્યા છે અને ફિલ્મના ઘણા લુક્સ અને ટ્રેલર પણ રિલીઝ કરવામાં આવ્યા છે. આ ફિલ્મમાં કેટરિના કૈફ ભૂતના રોલમાં જોવા મળશે. આ ફિલ્મમાં સિદ્ધાંત અને ઈશાનની કોમેડી જોનર જોવા મળશે.
