હૈદરાબાદ: બોલિવૂડના 'દબંગ ખાન' સલમાન ખાન અને કેટરિના કૈફ સ્ટારર બહુપ્રતિક્ષિત ફિલ્મ 'ટાઈગર 3'ની (Tiger 3 new release date) નવી રિલીઝ ડેટ ફરી એકવાર જાહેર કરવામાં આવી છે. પહેલા આ ફિલ્મ 21 એપ્રિલ 2023ના રોજ રિલીઝ થવાની હતી, પરંતુ ફરી એકવાર ફિલ્મની રિલીઝ ડેટ બદલવામાં આવી છે. સલમાન ખાને સોશિયલ મીડિયા પર એક પોસ્ટ દ્વારા જણાવ્યું છે કે હવે આ ફિલ્મ ઈદ (2023)ના અવસર પર રિલીઝ થશે નહીં. સલમાન ખાને ફિલ્મની નવી રિલીઝ ડેટ જાહેર કરી છે.
- " class="align-text-top noRightClick twitterSection" data="
">
ફિલ્મ કઈ ભાષામાં થશે રિલીઝ: સલમાન ખાનના જણાવ્યા અનુસાર, હવે આ ફિલ્મ 2023ની ઈદ પર નહીં પરંતુ દિવાળી 2023ના દિવસે રિલીઝ થશે. અગાઉ ટાઈગર 3 (Tiger 3 release) આવતા વર્ષે ઈદ પર રિલીઝ થવાની હતી તેથી ચાહકોમાં જબરદસ્ત ઉત્સાહ હતો, પરંતુ હવે ચાહકોએ ઈદ નહીં પણ આગામી દિવાળી સુધી ફિલ્મની રાહ જોવી પડશે. નવી રિલીઝ ડેટની જાહેરાત કરતા સલમાન ખાને લખ્યું છે કે, 'હવે ટાઈગર નવી તારીખે આવશે, આ ફિલ્મ હિન્દી ઉપરાંત તેલુગુ અને તમિલમાં પણ રિલીઝ થશે. ફિલ્મનું નિર્દેશન મનીષ શર્માએ કર્યું છે.
- " class="align-text-top noRightClick twitterSection" data="
">
આ ફિલ્મમાં ફરી એકવાર સલમાન ખાન અને કેટરિના કૈફની હિટ જોડી જોવા મળશે. તે જ સમયે, કેટરિનાએ ફિલ્મની નવી રિલીઝ ડેટની પોસ્ટ પણ શેર કરી છે અને લખ્યું છે કે, ટાઇગર અને જોયા હવે દિવાળી 2023 પર (Salman Khan and Katrina kaifs movie) આવી રહ્યા છે.
