હૈદરાબાદ: હવે બોલિવૂડ સ્ટાર્સ રણબીર કપૂર, અનિલ કપૂર અને બોબી દેઓલ અભિનીત એક્શન-થ્રિલર ફિલ્મ 'એનિમલ'ની ફિલ્મની મુખ્ય અભિનેત્રી રશ્મિકા મંદન્નાનો ફર્સ્ટ લૂક જાહેર કરવામાં આવ્યો છે. આ પહેલા તાજેતરમાં જ રણબીર કપૂર અને અનિલ કપૂરનો ફર્સ્ટ લુક સામે આવ્યો હતો. અનિલ કપૂર ફિલ્મ 'એનિમલ'માં રણબીર કપૂરના પિતાની ભૂમિકા ભજવવા જઈ રહ્યો છે. આજે ફિલ્મ 'એનિમલ'નો રશ્મિકા મંદન્નાના ફર્સ્ટ લૂક સામે આવ્યો છે. ફિલ્મ 'એનિમલ' ડાયરેક્ટર સંદીપ રેડ્ડી વાંગા દ્વારા ડિરેક્ટ કરવામાં આવી રહી છે, જેમણે સાઉથ એક્ટર વિજય દેવરાકોંડા સાથે 'અર્જુન રેડ્ડી' અને શાહિદ કપૂર સાથે 'કબીર સિંહ' બનાવી છે.
રશ્મિકા દેશી લુકમાં જોવા મળી રહી છેઃ ફિલ્મના દિગ્દર્શક સંદીપ રેડ્ડી વાંગાએ આજે 23મી સપ્ટેમ્બરે તેમના ઈન્સ્ટાગ્રામ પર એનિમલ ફિલ્મમાંથી રશ્મિકા મંદન્નાના ફર્સ્ટ લુકને શેર કર્યો છે. રશ્મિકા મંદન્ના તેના ફર્સ્ટ લુકમાં દેશી લુકમાં જોવા મળી રહી છે. રશ્મિકાએ કોન્ટ્રાસ્ટિંગ મરૂન અને ક્રીમ રંગની સાડી પહેરી છે. આ ઉપરાંત અભિનેત્રીના ગળામાં મંગળસૂત્ર પણ જોવા મળે છે. રશ્મિકા એનિમલ ફિલ્મના તેના ફર્સ્ટ લૂકમાં માથું નમાવીને સ્મિત કરી રહી છે.
ફિલ્મમાં સ્ટારકાસ્ટ જોવા મળશેઃ ફિલ્મમાં રશ્મિકાના પાત્રનું નામ ગીતાંજલિ છે. ફિલ્મમાં રશ્મિકા અભિનેતા રણબીર કપૂરની સાથે જોવા મળશે. આ પહેલા ફિલ્મ ડિરેક્ટરે અનિલ કપૂર અને રણબીર કપૂરનો ફર્સ્ટ લૂક શેર કર્યો હતો. ફિલ્મમાં અનિલ કપૂર અભિનેતા રણબીર કપૂરના પિતા બલવીરની ભૂમિકામાં જોવા મળશે.
ફિલ્મ ક્યારે રિલીઝ થશે?: તમને જણાવી દઈએ કે, ફિલ્મ એનિમલ અગાઉ 11 ઓગસ્ટના રોજ ગદર 2 અને OMG 2 સાથે રિલીઝ થવાની હતી, પરંતુ મેકર્સે રિલીઝ ડેટ બદલીને 1 ડિસેમ્બર, 2023 કરી દીધી હતી. હા, આ ફિલ્મ હવે 1લી ડિસેમ્બર 2023ના રોજ રીલિઝ થવા જઈ રહી છે.
આ પણ વાંચોઃ
