મુંબઈ: બોલિવુડની સુંદર અભિનેત્રી પરિણીતી ચોપરાએ હવે આમ આદમી પાર્ટીના નેતા રાઘવ ચઢ્ઢા સાથે લગ્ન કરી લીધા છે. આજે તારીખ 24મી સપ્ટેમ્બરે પરિણીતી અને રાઘવે કાયમ માટે એકબીજાનો હાથ પકડી લીધો છે. પરિણીતી-રાઘવના લગ્નમાં રાજકરણ, રમતગમત અને મનોરંજ ક્ષેત્રની મોટી હસ્તીઓએ હાજરી આપી હતી અને વર કન્યાને આશીર્વાદ આપ્યા હતા. હવે ચાહકો જેની રાહ જોઈ રહ્યા હતા તે પુરી થઈ ગઈ છે.
પરિણીતી ચોપરાના લગ્નની તસવીરો આવી સામે: પરિણતી ચોપરા અને રાઘવ ચઢ્ઢાના લગ્નની પ્રથમ તસવીરો અભિનેત્રીએ પોતાના ઓફિશિયલ ઈન્ટાગ્રામ એકાઉન્ટ પર શેર કરી છે. પરિણીતી અને રાઘવ તેમના લગ્નના પોશાકમાં રાજા અને રાણીથી ઓછા નથી લાગતા. આ સુંદર દંપતીની સાદગી સ્પષ્ટ છે અને દર્શકોની આંખોને ખુશ કરે છે. હવે ચાહકો અને સેલેબ્સ પરિણીતી અને રાઘવને લગ્નની આ તસવીરો પર અભિનંદન પાઠવી રહ્યા છે.
લગ્નમાં ઉપસ્થિત રહેલા મહેમાનો: રાઘવ અને પરિણીતીના લગ્નમાં પ્રખ્યાત ફેશન ડિઝાઈનર મનિષ મલ્હોત્રા, આદિત્ય ઠાકરે, સાનિયા મિર્ઝા, દિલ્હીના મુખ્ય પ્રધાન અરવિંદ કેજરીવાલ, પંજાબના CM ભગવંત માને હાજરી આપી હતી. આ લગ્નમાં પરિણીતીની પિતરાઈ બહેન પ્રિંયકા ચોપરા આવી ન હતી. લગ્નના એક દિવસ પહેલા સંગીત નાઈટ કાર્યક્રમ યોજાયો હતો. આ કાર્યક્રમમાં પંજાબી સિંગર નવરાજ હંસે પોતાના શાનદાર પર્ફોર્મન્સથી પ્રભાવિત કર્યા હતા.
પરિણીતી-રાઘવ વિશે: રાઘવ અને પરિણીતીની પ્રથમ મુલાકાત આશરે 15 વર્ષ પહેલા થઈ હતી. પરિણીતી ચોપરા યુકેની યુનિવર્સિટી ઓફ માન્ચેસ્ટરમાં બિઝનેસ ઈકોનોમિક્સ અને ફાઈનાન્સનો અભ્યાસ કરતી હતી. કહેવામાં આવે છે કે, રાઘવ ચઢ્ઢા પણ આ જ સમય દરમિયાન લંડન સ્કૂલ ઓફ ઈકોનોમિક્સમાં અભ્યાસ કરતા હતા. આ સમય દરમિયાન એકબીજાના સંપર્કમાં આવ્યા હતા. પરિણીતી અને રાઘવ બંને અલગ અલગ ફિલ્ડમાંથી આવે છે, તેમ છતાં તેઓ ખૂબ જ સારા મિત્ર હતા. હવે કાયમ માટે એકબીજાના થઈ ગયા છે.
- Parineeti Raghav Wedding: બોલિવુડને રાજકારણ સાથે પ્રેમ થયો, પરિણીતી રાઘવ સહિત આ સ્ટાર્સે એકબીજાનો હાથ પકડ્યો
- Parineeti Raghav Chadha Sangeet: સંગીત સેરેમનીમાંથી પરિણીતી રાઘવની પહેલી તસવીર સામે આવી, જુઓ કપલની શાનદાર ઝલક
- Parineeti And Raghav Are Married: પરિણીતી ચોપરા રાઘવ ચઢ્ઢા લગ્નના બંધનમાં બંધાયા, લગ્નની પ્રથમ તસવીર આવી સામે
