હૈદરાબાદ: તેલુગુ મેગાસ્ટાર ચિરંજીવીના પુત્ર રામ ચરણનો આજે તારીખ 27 માર્ચના રોજ જન્મદિવસ છે. તેઓ તેલુગુ ફિલ્મ ઉદ્યોગના સૌથી લોકપ્રિય અને સફળ અભિનેતાઓમાંના એક છે. તેમણે વર્ષ 2007માં 'ચિરુથા' ફિલ્મથી તેની શરૂઆત કરી હતી અને ત્યારથી તેણે 'મગધીરા', 'રંગસ્થલમ' અને 'RRR' જેવી ઘણી બ્લોકબસ્ટર હિટ ફિલ્મમાં અભિનય કર્યો છે. આ 3 ફિલ્મ તેમની કારકિર્દીની અત્યાર સુધીની સર્વશ્રેષ્ઠ ગણાવવામાં આવી છે.
આ પણ વાંચો: Jr NTR Wife : જુનિયર એનટીઆરએ અમ્માલુને તેમના જન્મદિવસ પર તસવીર શેર કરીને પાઠવી શુભેચ્છા
મગધીરા: વર્ષ 2009માં રિલીઝ થયેલી 'મગધીરા' રામચરણની કારકિર્દીની સૌથી સફળ ફિલ્મમાંની એક છે. SS રાજામૌલી દ્વારા નિર્દેશિત આ ફિલ્મ તારીખ 17મી સદીના એક યોદ્ધાની સ્ટોરીને અનુસરે છે, જે દુષ્ટ રાજાથી તેના પ્રેમને બચાવવા માટે વર્તમાન સમયમાં પુનર્જન્મ પામે છે. રામ ચરણે કાલ ભૈરવની મુખ્ય ભૂમિકા ભજવી હતી, જે એક બહાદુર યોદ્ધા છે. આ ઉપરાંત જે રાજ્ય માટે લડતા પોતાનો જીવ આપી દે છે. ફિલ્મમાં તેના અભિનયની તીવ્રતા, સંવાદ વિતરણ અને એક્શન સિક્વન્સ માટે વ્યાપકપણે પ્રશંસા કરવામાં આવી હતી. આ ફિલ્મ બ્લોકબસ્ટર હિટ બની હતી અને બેસ્ટ કોરિયોગ્રાફી અને બેસ્ટ સ્પેશિયલ ઇફેક્ટ્સ માટે નેશનલ ફિલ્મ એવોર્ડ સહિત અનેક પુરસ્કારો જીત્યા હતા.
રંગસ્થલમ: વર્ષ 2018માં રિલીઝ થયેલી 'રંગસ્થલમ' એ બીજી ફિલ્મ છે, જેનાથી રામ ચરણની ઇન્ડસ્ટ્રીના ટોચના અભિનેતાઓમાંના એક તરીકેનું સ્થાન મજબૂત કર્યું છે. સુકુમાર દ્વારા દિગ્દર્શિત આ ફિલ્મ વર્ષ 1980ના દાયકામાં એક ગામમાં સેટ કરવામાં આવી છે અને તે ચિટ્ટી બાબુની સ્ટોરીને અનુસરે છે. આ ઉપરાંત સાંભળવામાં ક્ષતિગ્રસ્ત વ્યક્તિ છે, જે ગામના પ્રમુખના જુલમ સામે દલિતનો અવાજ બને છે.
ફિલ્મ ફેસ્ટિવલમાં રંગસ્થલમ: રામ ચરણનું પાત્રનું ચિત્રણ નોંધપાત્ર હતું. કારણ કે, તેણે ભૂમિકામાં અપ્રતિમ પ્રમાણિકતા લાવી હતી. તેની આંખો અને બોડી લેંગ્વેજ દ્વારા લાગણીઓને અભિવ્યક્ત કરવાની ક્ષમતા માટે તેના પ્રદર્શનની પ્રશંસા કરવામાં આવી હતી. રામ ચરણ અને કો સ્ટાર સામંથા અક્કીનેની વચ્ચેની કેમેસ્ટ્રી પણ ફિલ્મની ખાસિયત હતી. 'રંગસ્થલમ' એક વિશાળ વ્યાપારી અને નિર્ણાયક સફળતા બની અને મેલબોર્નના ભારતીય ફિલ્મ ફેસ્ટિવલમાં દર્શાવવામાં આવી હતી. રંગસ્થલમ માટે તેમણે ચિટ્ટી બાબુના બહેરા અને મૂંગા પાત્રને ખાતરીપૂર્વક દર્શાવવા માટે સાઇન લેંગ્વેજ શીખવામાં ઘણા મહિનાઓ ગાળ્યા હતા.
આ પણ વાંચો: Priyanka-Nick : પ્રિયંકા-નિક જોનાસ શનિવારની રાત્રિએ જોવા મળ્યા, ભાઈએ કરી ફની કમેન્ટ
RRR: SS રાજામૌલીની ભવ્ય રચના 'RRR'એ રામ ચરણને તેમની પહોંચ વિસ્તારવામાં મદદ કરી છે. 2 મહાન ભારતીય સ્વતંત્રતા સેનાનીઓની કાલ્પનિક સ્ટોરીમાં રામ ચરણ એ 20મી સદીની શરૂઆતમાં બ્રિટિશ રાજ સામે લડનારા બહાદુર અને દેશભક્ત નેતા અલ્લુરી સીતારામ રાજુની ભૂમિકા ભજવે છે. 'RRR'માં રામ ચરણનું પ્રદર્શન અસાધારણ હતું. કારણ કે, તેમણે અલ્લુરી સીતારામ રાજુની જટિલ લાગણીઓ અને લક્ષણોને ખૂબ જ કુશળતા અને ચતુરાઈથી બહાર કાઢ્યા હતા. પાત્રનું તેમનું ચિત્રણ એટલું પ્રતીતિકારક અને શક્તિશાળી હતું કે, તેણે માત્ર પ્રેક્ષકો અને વિવેચકોને જ મંત્રમુગ્ધ કર્યા ન હતા, પરંતુ જેમ્સ કેમેરોનની પ્રશંસા પણ મેળવી હતી. 'RRR' માટે તેણે અલ્લુરી સીતારામ રાજુના પાત્રને પ્રમાણિકતા સાથે દર્શાવવા માટે તલવારબાજી અને ઘોડેસવારીની સખત તાલીમ લીધી હતી.
અભિનેતાની કારકિર્દી: 16 વર્ષની કારકિર્દીમાં રામ ચરણે પોતાને તેલુગુ ફિલ્મ ઉદ્યોગના શ્રેષ્ઠ અભિનેતાઓમાંના એક તરીકે સ્થાપિત કર્યા છે. તેમની વર્સેટિલિટી, તીવ્રતા અને પાત્રની ત્વચામાં પ્રવેશવાની ક્ષમતાએ તેમને અસંખ્ય વખાણ અને પ્રશંસક ફોલઅર્સ મેળવ્યા છે. પાઈપલાઈનમાં વધુ રોમાંચક પ્રોજેક્ટ્સ સાથે ચાહકો આતુરતાપૂર્વક રાહ જોઈ રહ્યા છે, કે રામ ચરણ તેમના માટે આગળ કેવી ફિલ્મમાં કામ કરશે.
