હૈદરાબાદ: આયુષ્માન ખુરાના અને અનન્યા પાંડે સ્ટારર 'ડ્રીમ ગર્લ 2'ના નિર્માતાઓએ સોમવારે ફિલ્મનું ટીઝર રિલીઝ કર્યુ છે. 'ડ્રીમ ગર્લ 2' ટીઝરની ચાહકો ઘણા સમયથી રાહ જોઈ રહ્યા હતા. ફિલ્મ નિર્માતાઓ દ્વારા ખરેખર ટૂંક સમયના ટીઝરમાં જે દ્રશ્ય બતાવવામાં આવ્યા છે, તે જોઈને દર્શકો આશ્ચર્યચકિત થઈ ગયા છે. હવે યુઝર્સો ફિલ્મ નિર્માતાઓ પર પ્રશ્નો ઉપર પ્રશ્ન કરી રહ્યાં છે.
- " class="align-text-top noRightClick twitterSection" data="">
ફિલ્મનું ટીઝર આઉટ: આ ટીઝરમાં આયુષ્માન ઉર્ફે પૂજાનો લાલા સાડીમાં બેક દ્રશ્ય જોવા મળે છે. આ સાથે ડ્રીમ ગર્લનો દિલ કા ટિલિફોન બેકગ્રાઉન્ડમાં સાઉન્ડ સાંભળવા મળે છે. તારીખ 25 જુલાઈએ ફિલ્મ નિર્માતાઓએ આ ફિલ્મની પ્રથમ ઝલક શેર કરી હતી. આયુષ્માન ખુરાના પૂજા નામના નવા અવતારમાં જોવા મળ્યા હતા. આ લુક જોઈને ચાહકોમાં ફિલ્મ પ્રત્યે ઉત્તેજના ખુબ જ વધી ગઈ હતી.
યુઝર્સે આપી પ્રતિક્રિયા: નિર્માતાઓએ 'ડ્રીમ ગર્લ 2' ટીઝર રિલીઝ કર્યા પછી, તરત જ યુઝર્સો યુ ટ્યૂબ પર બાલાજી મોશન પિક્ચર્સના કોમેન્ટ બોક્સમાં તેઓએ શું જોયું તે અંગેના અનેક પ્રશ્ન શેર કર્યા છે. ટીઝર પર પ્રતિક્રિયા આપતા એક યુઝરે લખ્યું છે કે, 'આ વાસ્તવમાં દર્શકોને ગુસ્સે ચડાવે છે.' આ સાથે અન્ય એકે લખ્યું છે કે, 'આ ટીઝરનો વીડિયો નથી, પરંતુ જાહેરાતનો વીડિયો છે.' અન્ય યુઝરે લખ્યું છે કે, 'તે શરું થાય તે પહેલા જ સમાપ્ત થઈ ગયું.'
ટ્રેલર રિલીઝ ડેટ: દર્શકો સમક્ષ ખુબ જ ટૂંકા ટીઝર રિલીઝ કર્યા પછી ફિલ્મ નિર્માતાઓ આવતી કાલે 'ડ્રીમ ગર્લ 2'નું ટ્રેલર રિલીઝ કરશે. આ ફિલ્મ કેમેડી 'ડ્રીમ ગર્લ'ની સિક્વલ છે અને રાજ શાંડિલ્ય દ્વારા નિર્દેશિત છે. ડ્રીમ ગર્લ વર્ષ 2019માં બોક્સ ઓફિસ પર હિટ રહી હતી. આ ફિલ્મમાં આયુષ્માન અને અનન્યા ઉપરાંત પરેશ રાવલ, અન્નુ કપૂર, અસરાની, વિજય અને મનજોત સિંહ સામેલ છે.
