પ્રાપ્ત વિગત અનુસાર, ઉત્તરપ્રદેશના આઝમગઢમાં મતદારોનો અનેરો ઉત્સાહ જોવા મળી રહ્યો છે ત્યારે આઝમગઢના કરખિયા રુસ્તમ સરાય ગામની 120 વર્ષીય મહિલા બલકેશા સિંહ પણ પોતાનું કિમતી મતદાન કરવા મતદાન મથકે પહોંચ્યા હતા. તેમના પરિવારના યુવાનો દ્વારા તેમને મતદાન મથક સુધી પહોંચાડવામાં આવ્યા હતા.
120 વર્ષની મહિલાએ મતદાન કર્યું
આ વૃધ્ધ મહિલાને લઈને પહોંચેલા યુવાન રાજુ સિંહે જણાવ્યું હતું કે, દરેક ચૂંટણીમાં મતદાન સમયે તેઓ મતદાન કરવા ઉત્સાહથી પહોંચી જાય છે. રાજુએ વધુમાં કહ્યું કે, તેઓ ચાલી શકતા નથી એટલે તેમને ઉઠાવીને લાવવામાં આવે છે. મતદાન મથક પર તમામ પ્રકારની સુવિધા રાખવામાં આવી હોય છે, જેમાં વ્હીલ ચેર હોવાથી તેમને મત આપવામાં સરળતા રહે છે.
