પંજાબ: કેનેડાના ઓન્ટારિયો પ્રાંતમાં 21 વર્ષીય કેનેડિયન શીખ મહિલાની ગોળી મારીને હત્યા કરવામાં આવી (sikh girl shot dead in Ontario Canada) છે. આ મામલો શનિવારની રાતનો છે જ્યારે શહેરમાં એક અજાણ્યા હુમલાખોરે ઓન્ટારિયો પ્રાંતના મિસીસૌગા શહેરમાં પવનપ્રીત કૌરની ગોળી મારીને હત્યા કરી હતી. પીલ્સ પ્રાદેશિક પોલીસ દ્વારા રવિવારે જારી કરવામાં આવેલી પ્રેસ રિલીઝ અનુસાર, પીડિતાની ઓળખ પવનપ્રીત કૌર તરીકે કરવામાં આવી છે, જે બ્રામ્પટનની રહેવાસી હતી.
કેનેડાના એક અખબાર અનુસાર: પવનપ્રીત કૌરને ગેસ સ્ટેશનની બહાર ગોળી વાગી હતી. મળતી માહિતી મુજબ, પોલીસને રાત્રે લગભગ 10:39 વાગ્યે એક મહિલા પર ગોળીબાર થયાની માહિતી મળી હતી અને તેણે ઘટનાસ્થળે પહોંચીને ઘાયલ મહિલાનો જીવ બચાવવાનો પ્રયાસ કર્યો હતો, પરંતુ પીડિતાએ તેની ઇજાઓથી દમ તોડી દીધો હતો. પોલીસ માને છે કે આ ટાર્ગેટ કિલિંગનો મામલો છે. હજુ સુધી હત્યારાની ઓળખ થઈ શકી નથી. કાળા કપડા અને મોજા પહેરેલા હત્યારાની શોધ ચાલુ હોવાનું કહેવાય છે.
