રાજકોટ : રાજ્યમાં નશીલા પદાર્થોની હેરાફેરી દિવસેને દિવસે વધતી જાય છે, ત્યારે રાજકોટમાં કુખ્યાત મહિલાની ડ્રગ વેચાણ કરી પુરી ગેંગ ઝડપાઈ છે. રાજકોટની કુખ્યાત મહિલા ડ્રગ પેડલર (Drug Peddler Rajkot) સુધા ધામેલીયા સહિતની ગેંગને SOG પોલીસે મેફેડ્રોન ડ્રગ સાથે ઝડપી પાડી કાયદેસરની કાર્યવાહી હાથ ધરી છે. ઉલ્લેખનીય છે કે સુધા અગાઉ અનેક વખત ગ્સ, દારૂ, જુગાર, રાયોટિંગ, મારામારી, તેમજ NDPSના ગુનામાં પોલીસના (Rajkot Drug Case) હાથે પકડાઇ ચૂકી છે.
પોલીસે કરી કાર્યવાહી - પોલીસે ચોક્કસ બાતમીના આધારે રામધામ સોસાયટી મેઈન રોડ પર હર્ષિલ ટાઉનશીપ પાસેથી સુધા ધામેલીયા અને તેના સાગરીત અનિરૂધ્ધસિંહ વાઘેલાની મેફેડ્રોન ડ્રગ સાથે ધરપકડ કરી હતી. પોલીસે સુધા (Detention of Sudha Dhamelia) અને તેના સાગરીત પાસેથી પાસેથી 1 લાખ 7 હજાર 500 કિંમતના 10.75 ગ્રામ MD ડ્રગ સહિત બે મોબાઈલ ફોન મળી કૂલ 1,22,650નો મુદામાલ કબજે કરી કાયદેસરની કાર્યવાહી હાથ ધરી છે.
મુંબઇથી ડ્રગ્સની આયાત - સુધાની પ્રાથમિક પુછતાછમાં સુધા અને અનિરૂધ્ધસિંહે પોતે આ ડ્રગ્સ મુંબઇથી લઇ આવ્યાનું રટણ કર્યુ છે. ઉલ્લેખનિય છે કે મનહર પ્લોટમાંથી બે દિવસ પહેલા ઝડપાયેલો વણિક શખ્સ યોગેશ બારભાયા પણ 6.69 લાખનું એમડી ડ્રગ્સ મુંબઇથી (Mephedrone Drug in Rajkot) લાવ્યાનું કબુલ્યું હતું. તેના રિમાન્ડ પુરા થતાં તે જેલ હવાલે થયો છે. આ સાથે ત્યાં હવે નામચીન ડ્રગ્સ પેડલરની છાપ ધરાવતી સુધા ધામેલીયા અને તેનો સાગરીત મેફેડ્રોન સાથે ઝડપાયા છે.
આ પણ વાંચો : Drug sized in Junagadh : કુખ્યાત આરોપી પકડાયો, શહેરમાં વધી રહ્યાં છે ડ્રગ પકડાવાના બનાવ
અનેક વખત ધામેલીયા પોલીસ હવાલે - જેને લઈને સુધા ધામેલીયા અને તેનો સાગરીત પણ મુંબઇથી માદક પદાર્થ લઇ આવ્યાનું રટણ કર્યુ છે. જેની તપાસ PI બી.એમ. ઝણકાટ અને ટીમે હાથ ધરી છે. ઉલ્લેખનીય છે કે, આરોપી સુધા ધામેલીયા રાજકોટની નામચીન (Drug Peddler Rajkot) મહિલા ડ્રગ પેડલર છે. થોડા સમય અગાઉ સુધાએ રાજકોટના એક યુવાનને ડ્રગ વેચવા દબાણ કર્યું હતું અને 'વેચાણ નહિ કર તો મારી નાખીશ' તેવી ધમકી આપી હતી. જેથી યુવાને આત્મહત્યા કરી લેતા યુનિવર્સિટી પોલીસે યુવાનને મરવા મજબૂર કરવા ગુનામાં પણ સુધા ધામેલીયા સામે IPC કલમ 306 વિરુદ્ધ ગુનો નોંધી કાર્યવાહી હાથ ધરી હતી.
આ પણ વાંચો : MD Drugs Seized in Ahmedabad : SOG ડ્રગ્સનો જથ્થો ઝડપ્યો, આરોપીની પૂછપરછમાં મળી ચોંકાવનારી માહિતી
ડ્રગ્સ પેડલર તરીકે મુખ્ય નામ - થોડા સમય પહેલા પૂર્વ ક્રિકેટરની માતાએ સુધા ધામેલીયાનું નામ મુખ્ય ડ્રગ્સ પેડલર તરીકે આપ્યું હતું, ત્યારે આ સાથે સુધા ધામેલીયા વિરૂદ્ધ અગાઉ પણ પ્રદ્યુમનનગર પોલીસમાં રાયોટિંગ, યુનિવર્સિટીમાં જુગારનો અને બી-ડિવીઝનમાં NDPSનો કેસ નોંધાયો હતો. જ્યારે ઇમરાન ઉર્ફે ગઢવી વિરુદ્ધ એ-ડિવીઝન, રેલવે, ડી.સી.બી.માં દારૂના અને બી-ડિવીઝનમાં અપહરણ-હત્યાનો કેસ મળી કુલ છ ગુના નોંધાઈ ચૂક્યા છે. હાલ પોલીસે સમગ્ર બાબતે ઊંડાણપૂર્વક તપાસના ધમધમાટ શરુ કરીને (Rajkot Crime Case) વધુ પૂછતાછ હાથ ધરી છે.
