વડોદરાઃ શહેરના વરણામા ગામના અને હાલ પોર રમણગામડીના રહેવાસી જયેશ કાનજીભાઇ પરમાર પોર GIDCમાં સિક્યોરિટી કંપનીમાં નોકરી કરતા હતા અને GIDC માં જ ચાની લારી ચલાવતા હતા. સોમવારે વહેલી સવારે અજાણ્યા શખસે તેમની ચાની લારી પાસે તીક્ષ્ણ હથિયારના ઘા મારી મોતને ઘાટ ઉતારી અજાણ્યો ઇસમ ફરાર થઇ ગયો હતો. (Husband Kills Security Man)હત્યાની જાણ પત્ની ઉષાબહેન પરમારને થતાં ભારે આંક્રદ સાથે ઘટનાસ્થળે દોડી આવ્યા હતા. હત્યાના પગલે આસપાસના સ્થાનિક લોકો પણ દોડી આવ્યા હતા. આ બનાવે પોર રમણગામડી ગામમાં ચકચાર જગાવી મૂકી હતી. આ ઘટના અંગે વરણમાં પોલીસ પણ ઘટના સ્થળે દોડી આવી હતી.
અલગ-અલગ ટીમોઃ ઘટના ની જાણ જિલ્લા લોકલ ક્રાઇમ બ્રાંચને થતાં પી.આઇ. કૃણાલ પટેલ પણ સ્ટાફ સાથે દોડી આવ્યા હતા. મરનારની પત્ની અને સ્થાનિક લોકો પાસેથી પ્રાથમિક વિગતો મેળવી તપાસનો ધમધમાટ શરૂ કર્યો હતો અને હત્યારો ફરાર થઈ ન જાય એ માટે અલગ-અલગ ટીમો બનાવી હત્યારાને ઝડપી પાડવા માટેની તજવીજ શરુ કરી હતી. આ દરમિયાન ગણતરીના કલાકોમાં પોલીસે મોતને ઘાટ ઉતારનાર મૂળ રહેવાસી વડોદરાના કિશનવાડી વિસ્તારમાં રહેતો અને એક માસથી જૂની GIDCમાં આવેલા રાકેશ પટેલના લાકડાની કંપનીમાં રહેતા 30 વર્ષીય રમીઝરાજા હનીફમહંમદ દાયમાને દબોચી લીધો હતો.
