- હોમ ક્વોરેન્ટાઇન દર્દીઓ માટે ટિફિન સેવા શરૂ કરાઇ
- વલ્લભ યુથ ઓર્ગેનાઇઝેશન ગૃપ દ્વારા સેવા સંકલ્પ અભિયાન હેઠણ અભિયાન
- વ્રજરાજ કુમારજીની પ્રેરણાથી કરાયો શુભારંભ
- 250થી વધુ દર્દીઓએ રજિસ્ટ્રેશન કરાવ્યું
વડોદરા : શહેરમાં કોરોનાની બીજી લહેરમાં કોરોનાનું સંક્રમણ વધતાં દર્દીઓની સંખ્યામાં તેજ ગતિએ વધારો નોંધાતા હોસ્પિટલ સહિત હોમ ક્વોરેન્ટાઇન દર્દીઓમાં વધારો નોંધાતા દર્દીઓ સ્વજનો માટે નિઃશુલ્ક ટિફિન સેવાની શરૂઆત વલ્લભ યુથ ઓર્ગેનાઇઝેશન ( Vallabh Youth Organization ) દ્વારા સેવા સંકલ્પ અભિયાન હેઠળ શરૂઆત કરવામાં આવી છે, ત્યારે વડોદરા શહેરના કોરોના સંક્રમિત હોમ ક્વોરેન્ટાઇન દર્દીઓને આ સેવાનો મહત્તમ લાભ લેવા જણાવાયું છે.
આ પણ વાંચો - વડોદરા: વલ્લભાચાર્ય ગ્લોબલ એજ્યુકેશન ટ્રસ્ટ દ્વારા બાળકોને શિક્ષણ સહાય અને ગરીબ પરિવાર, વિધવા બહેનોને અન્નદાન કરાયું
જમવાનું બનાવી શકાય તેમ ન હોય તેવા પરિવારો માટે નિઃશુલ્ક ટિફિન સેવાનો પ્રારંભ
વડોદરાના માંજલપુર સ્થિત વ્રજધામ મંદિરના સંકૂલમાં વલ્લભ યુથ ઓર્ગેનાઇઝેશન ( Vallabh Youth Organization ) દ્વારા કોરોના સંક્રમિત હોમ ક્વોરેન્ટાઇન દર્દીઓ માટે તેમજ કોરોના સંક્રમણને કારણે જેમને ત્યાં જમવાનું બનાવી શકાય તેમ ન હોય તેવા પરિવારો માટે નિઃશુલ્ક ટિફિન સેવાનો પ્રારંભ વ્રજરાજકુમારજીની પ્રેરણાથી કરવામા આવ્યો છે.
આ પણ વાંચો - વડોદરામાં VYOઓ દ્વારા ઓક્સિજન કોન્સન્ટ્રેટરના 21 મશીનોની ફાળવણી કરાઈ
250થી વધુ લોકોએ પોતાનું રજિસ્ટ્રેશન કરાવ્યું
નિઃશુલ્ક ટિફિન સેવામાં નામ નોંધાવવા માટે સરળ પ્રક્રિયા છે, જે મુજબ RT - PCR રિપોર્ટ જમા કરાવીને નામ નોંધણી કરાવવી જરૂરી છે. ટિફિન સેવન પ્રારંભે મુજબ 250થી વધુ લોકોએ પોતાનું રજિસ્ટ્રેશન કરાવ્યું છે. વલ્લભ યુથ ઓર્ગેનાઇઝેશન ( Vallabh Youth Organization ) દ્વારા આ અગાઉ કોરોના મહામારીમાં અનેક રીતે લોકોપયોગી સમાજ સેવાઓ શરૂ કરવામાં આવી છે અને તેમાં એક વધુ સેવાનો શુભારંભ કરવામાં આવ્યો છે.
આ પણ વાંચો - વડોદરામાં વલ્લભ યુથ સંગઠન દ્વારા 4 ઓક્સિજન પ્લાન્ટ આપવાનો કર્યો નિર્ણય
