વડોદરા: ગુજરાતમાં પ્રથમ સાયન્સ સિટી અમદાવાદ (ahmedabad science city)માં આવેલી છે. સાયન્સ સિટીમાં બાળકોથી લઇને તમામ વયની વ્યક્તિઓમાં પર્યાવરણ અને વિજ્ઞાન (Environment and Science In Gujarat) ક્ષેત્રે રોમાંચ ઊભા કરે તેવા પ્રકારનું ડેવલપમેન્ટ કરવામાં આવ્યુ છે. કરોડોના ખર્ચે બનેલા સાયન્સ સિટીની મુલાકાતે રોજના હજારો લોકો આવે છે, ત્યારે હવે વડોદરામાં પણ આવી જ સાયન્સ સિટી (Vadodara Science City) બનાવવામાં આવશે.
7થી 8 એકર જમીનમાં ગુજરાતનાં બીજા સાયન્સ સિટીની સ્થાપના થશે- ગુજરાત સરકાર હવે વડોદરામાં 7થી 8 એકર જમીનમાં ગુજરાતની બીજી સાયન્સ સિટીની સ્થાપના કરશે. રૂપિયા 100કરોડના ખર્ચે આ પ્રોજેક્ટ (science city vadodara project) સાકાર કરવામાં આવશે (science city vadodara Construction costs) તેવી જાણકારી મહેસૂલ અને કાયદા પ્રધાન રાજેન્દ્ર ત્રિવેદીએ આપી હતી.
આ પણ વાંચો: Ahmedabad Science City : સાયન્સ સિટીમાં મુલાકાતીઓ માટે ખુશીના સમાચાર
મુખ્યપ્રધાન અને રાજ્ય સરકારનો માન્યો આભાર- તેમણે કહ્યું હતું કે, વિદ્યાર્થીઓમાં વિજ્ઞાન અભિરુચિ વધે અને કલામ સાહેબ જેવા સર્વોચ્ચ વૈજ્ઞાનિકોના ઘડતરને વેગ મળે તે માટે મેં વડોદરામાં બીજી સાયન્સ સિટી બનાવવાનું સૂચન કર્યું હતું. જેનો સ્વીકાર થયો છે. આ ભેટ આપવા માટે હું વડોદરા વતી મુખ્યપ્રધાન તથા રાજ્ય સરકારનો આભાર માનું છું.
આ પણ વાંચો: ETV BHARAT Rubaru: સાયન્સ સિટી 365 દિવસ નવું જ્ઞાન આપવા સજ્જ હોય છે : એક્ઝિક્યુટિવ ડાયરેક્ટર નરોત્તમ સાહુ
અમદાવાદ સાયન્સ સિટી જેવી જ હશે વડોદરામાં બનનારી સાયન્સ સિટી? - ઉલ્લેખનીય છે કે, અમદાવાદ સાયન્સ સિટીમાં એક્વેટિક ગેલેરી, રોબોટિક્સ ગેલેરી, 5-ડી થિયેટર, 1 વિઆર રાઈડ, થ્રિલ રાઈડ, મિશન ટુ માર્સ રાઈડ, 4ડી થિયેટર, અર્થકવેક એકસ્પિયન્સ રાઈડ અને કોલ માઇન રાઈડ આવેલી છે.
