વડોદરા: વાઘોડિયાના દબંગ ધારાસભ્ય મધુ શ્રીવાસ્તવે માસ્ક પહેર્યા વગર ફરતા (MLA Without Mask) નજરે પડ્યા હતા. આ દરમિયાન તેઓ માસ્ક પહેરવા મુદ્દે ચોંકાવનારું નિવેદન આપતા ફરી ચર્ચામાં આવ્યા છે.
નાગરિકોને માસ્ક પહેરવાની ધારાસભ્યની અપીલ
વડોદરા જિલ્લાના વાઘોડિયાના ધારાસભ્ય (mla of waghodia vadodara) મધુ શ્રીવાસ્તવે નાગરિકોને માસ્ક પહેરી બહાર નીકળવા અપીલ કરી હતી. જો કે ખુદ ધારાસભ્ય મધુ શ્રીવાસ્તવ જ માસ્ક પહેર્યા વગર ફરતા નજરે પડ્યા હતા. ત્યારે માસ્ક પહેરવા મુદ્દે ધારાસભ્ય મધુ શ્રીવાસ્તવનુ બેવડું વલણ સામે આવ્યું છે.
રાજકીય મેળાવડા તો થવાના : મધુ શ્રીવાસ્તવ
ધારાસભ્ય મધુ શ્રીવાસ્તવે રાજકીય મેળાવડા (Political gatherings in Gujarat) થવા અંગે પ્રતિક્રિયા આપતા જણાવ્યું હતું કે, રાજકીય મેળાવડા તો થવાના જ છે. ભાજપની સરકારે વેક્સિન (Corona vaccine India) શોધી છે, એટલે કોરોના (Coronavirus in India) આવે કે બીજો કોઈ રોગ આવે કોઈ ફરક પડવાનો નથી. કોરોના આવે તો પણ સરકાર પાસે તમામ આરોગ્યલક્ષી સુવિધાઓ (covid health facilities in gujarat) છે.
શું રાજકીય નેતાઓ માટે કાયદા નથી?
ધારાસભ્ય મધુ શ્રીવાસ્તવ હોય કે અન્ય રાજકીય નેતાઓ, તમામ જાહેરમાં માસ્ક (covid 19 protocol in gujarat) પહેર્યા વગર નજરે પડે છે. આ નેતાઓ સામે કેમ કોઈ કાર્યવાહી કરવામાં આવતી નથી તેવી લોકોમાં ચર્ચા છે. સામાન્ય નાગરિકો સામે કાર્યવાહી કરતી પોલીસને નેતાઓ દેખાતા નથી તેવા સવાલો ઊભા થયા છે.
આ પણ વાંચો: Rajkot Night Curfew 2021: રાત્રી કરફ્યૂને લઈને ETV Bharat નું રિયાલિટી ચેક
