દરરોજ સરેરાશ 1300થી વધુ ભારતીયો કેન્સરની ખતરનાક બીમારીથી જીવ ગુમાવે છે. 2020 સુધીમાં ભારતમાં નવા કેન્સર કેસ કે તેની ઘટનાઓ 25 ટકા જેટલી વધવાની આશંકા છે, ત્યારે ગત વર્ષે 'રાત્રી આફ્ટર નવરાત્રી 'કાર્યક્રમમાં લગભગ 7000 લોકોએ ભાગ લઈને અતુલ પુરોહિતના ગરબાના તાલે રમીને કાર્યક્રમને ભવ્ય સફળતા અપાવી હતી. આ વર્ષે લગભગ 10,000થી 15,000 ગરબા પ્રેમીઓ આ કાર્યક્રમમાં ભાગ લે તેવી આશા છે.
વડોદરા ગરબામાં એકઠું થયેલ ભંડોળને કેન્સરગ્રસ્ત લોકો માટે વપરાશે
દેશમાં થતાં મૃત્યુમાં કેન્સર એક મુખ્ય કારણ બની ગયું છે. જોકે એક પોઝીટિવ બાબત એ છે કે, લોકોમાં વધી રહેલી જાગૃતિ અને ટેક્નોલોજીમાં થઈ રહેલા વિકાસને કારણે દર્દીઓનો જીવતા રહેવાનો દર વધી રહ્યો છે. પણ કેન્સરની સારવાર ચાલુ રાખવામાં સારવાર મેળવવી સહેલી બને અને પરવડે તેવી હોય એ બંને બાબતો ખૂબ મહત્ત્વનો ભાગ ભજવે છે.
