વડોદરામાં વાસુદેવની થીમ પર ગણપતિ પંડાલનું કરાયું ડેકોરેશન

વડોદરા: શહેરમાં આ વર્ષે ગણેશતોત્સવની કંઈક અનોખી રીતે જ ઉજવણી કરવામાં આવી રહી છે. આ વર્ષે શહેરમાં પૂરના સમયે PSI અધિકારીએ વાસુદેવ બની બાળકને બચાવ્યું હતું. આ થીમ પર ડેકોરેશન કરવામાં આવેલ ગણેશ પંડાલ લોકોના આકર્ષણનું કેન્દ્ર બન્યું છે.

વડોદરામાં તાજેતરમાં આવેલ ભારે વરસાદ બાદ પૂરની પરિસ્થિતિમાં રાવપુરા પોલીસ સ્ટેશનના PSIએ પૂરમાં વાસુદેવ બનીને બાળકને માથા પર ટોપલામાં ઊંચકી બચાવી લીધુ હતું. આ થીમ પર શહેરના લક્ષ્મીપુરા રોડ પર આવેલ અક્ષર એપાર્ટમેન્ટના અમૃતનગર યુવક મંડળ દ્વારા શ્રીજી પંડાલમાં આ દ્રશ્યનું ડેકોરેશન તૈયાર કરવામાં આવ્યું છે. જેમાં શ્રીજી આર્શીવાદ આપતા નજરે પડે છે.

વડોદરાથી નિર્મિત દવેનો અહેવાલ ETV BHARAT