- રાષ્ટ્રીય પર્વ નિમિત્તે ખાદીના રાષ્ટ્રીય ધ્વજનો 7 લાખ રૂપિયાનો સ્ટોક ભરવામાં આવ્યો
- શહેરના ખાદીગ્રામ કેન્દ્રમાં કુલ મળી પાંચ લાખ રૂપિયાનું વેચાણ થયું
- રાવપુરા કોઠી ખાદીગ્રામ ઉદ્યોગ ભવનમાં ત્રણ લાખ રાષ્ટ્રીય ધ્વજ વેચાયા
વડોદરા: ખાદીગ્રામ ઉદ્યોગોમાં કોરોનાના કારણે ચાલુ વર્ષે ખાદીની ખરીદીમાં નોંધપાત્ર ઘટાડો જોવા મળ્યો છે. રાષ્ટ્રીય પર્વ 15મી ઓગસ્ટ નિમિત્તે શહેરના ખાદીગ્રામ ઉદ્યોગમાં પાંચ લાખ રૂપિયાના રાષ્ટ્રીય ધ્વજનું વેચાણ થયું છે. જો કે, આ પહેલા વડોદરા શહેરના સૌથી મોટા રાવપુરા કોઠી ખાતે આવેલા વડોદરા જિલ્લા ખાદીગ્રામ ઉદ્યોગ ભવનમાં સાત લાખ રૂપિયાનો રાષ્ટ્રીય ધ્વજનો સ્ટોક ભરવામાં આવ્યો હતો. જેની સામે ત્રણ લાખ રૂપિયાનું જ વેચાણ નોંધાયું છે.
આ પણ વાંચો- ખાદી ઇન્ડિયાના ફ્લેગશિપ આઉટલેટમાં ગાંધી જયંતી પર રૂપિયા 1.02 કરોડનું વેચાણ થયું
કોરોના મહામારીને કારણે ખાદીગ્રામ ભવનમાં રોજગારીનો વ્યાપ ઓછો થયો
વડોદરા ખાદીગ્રામ ઉદ્યોગ સહકારી સંઘ ભુતડીઝાંપા બ્રાન્ચના સંચાલક રાકેશ પટેલે જણાવ્યું હતું કે, આ વર્ષે વડોદરા જિલ્લા ખાદી ગ્રામ ઉદ્યોગ સહકારી સંઘ ભુતડીઝાંપા ખાતે છેલ્લા ત્રણ વર્ષથી ખાદીની બ્રાન્ચ શરૂ કરવામાં આવી છે, પરંતુ છેલ્લા 2 વર્ષથી કોરોનાની મહામારી ચાલતી હોવાથી અહીં વેચાણ ખૂબ ઓછું હતું.
આ વર્ષે 2021માં વર્ષની શરૂઆતથી જ ખાદીનું સારું એવું વેચાણ થયું છે
વધુમાં રાકેશ પટેલે જણાવ્યું હતું કે, 2021માં ખાદીગ્રામ ઉદ્યોગ ભુતડીઝાંપાનું જે કેન્દ્ર છે, એમાં અમારી ખાદીની બ્રાન્ચ આવેલી છે. જેમાં આ વર્ષે 2021માં વર્ષની શરૂઆતથી જ ખાદીનું સારું એવું વેચાણ થયું છે. જેમાં જુદી-જુદી પ્રોડક્ટ જેવી કે, ખાદીના ધ્વજ, ખાદીના કપડા છે. આ વખતે સારું એવું માર્કેટ જળવાયું છે.
ખાદીગ્રામ ઉદ્યોગ ભૂતડીઝાંપાની બ્રાન્ચમાં પણ તમામ ચીજવસ્તુઓ મળી રહેશે
ગ્રાહકોને પણ માલૂમ પડ્યું છે કે, ખાદીગ્રામ ઉદ્યોગ ભૂતડીઝાંપાની બ્રાન્ચમાં પણ હવે તમામ ચીજવસ્તુઓ મળી રહેશે. જેથી કરીને 2020ની અંદર જે ખાદીનું વેચાણ થતું હતું, એના કરતાં ચાલુ વર્ષે 2021માં સારા એવા ગ્રાહકો આવી રહ્યા છે અને સારું એવું વેચાણ થઈ રહ્યું છે. છેલ્લા 2021ના ઓગસ્ટ મહિનામાં ખાદીનું વેચાણ જોવા જઈએ તો એક લાખ રૂપિયાની આસપાસ થયેલું છે. જે અમારી માટે ઘણા સારા સમાચાર છે.
ખાદીગ્રામ ઉદ્યોગ ભવન કોઠી સહિત અન્ય ચાર ખાદી ભવન આવેલા છે
વડોદરાના સૌથી મોટા ખાદીગ્રામ ઉદ્યોગ ભવન કોઠી રાવપુરા બ્રાન્ચના મેનેજર જશવંતભાઈ દલવાડીએ જણાવ્યું હતું કે, વડોદરા જિલ્લા ખાદીગ્રામ ઉદ્યોગ ભવન કોઠી સહિત વડોદરામાં અન્ય ચાર ખાદી ભવન આવેલા છે. જેમાં રાષ્ટ્રીય તહેવારોમાં રાષ્ટ્રીય ધ્વજનું વેચાણ 5 લાખ રૂપિયા જેટલું ચારે ભવનમાં મળીને થયું છે.
આ પણ વાંચો- વડોદરામાં ખાદીગ્રામ ઉદ્યોગ કેન્દ્રમાં ખાદીના રાહતદરે થઇ રહ્યું છે માસ્કનું વિતરણ
કુર્તા, ગાંધીટોપી રાષ્ટ્રીય તહેવારમાં ઘણું વેચાય છે
વધુમાં તેમણે જણાવ્યું હતું કે, કોઠી રાવપુરા ભવનમાં અમે 7 લાખ રૂપિયાનો માત્ર ધ્વજનો સ્ટોક ભર્યો હતો. જેમાં કુર્તા, ગાંધીટોપી રાષ્ટ્રીય તહેવારમાં ઘણું વેચાય છે, પરંતુ કોરોનાની મહામારીના કારણે આ વખતે 40 ટકા વેચાણમાં ઘટાડો જોવા મળ્યો છે. અમારે ત્યાં 7 લાખમાંથી ત્રણ લાખ જેવા 15મી ઓગસ્ટે ધ્વજ વેચાયા છે અને કોરોના મહામારીના કારણે જ ખાદી ભવનમાં રોજગારીનો વ્યાપ ઓછો થયો છે.
