લિંબાયત વિસ્તારમાં જાહેરમાં બે યુવાનો પર ચપ્પુ વડે હુમલો થયો હોવાની ઘટના બની છે. જેમાં એક યુવાનનું મોત થયું છે. જ્યારે તેના મિત્ર રવિ સિંહ ગંભીર રીતે ઘાયલ થયો છે. જેને સારવાર અર્થે સિવિલ હૉસ્પિટલ ખસેડવામાં આવ્યો છે. ઘટનાની જાણ થતાં લિંબાયત પોલીસ તેમજ ઉપરી અધિકારીની ટીમ ઘટના સ્થળે પહોંચી હતી. પોલીસે બંને હુમલાખોર વિરુદ્ધ ગુનો નોંધી તપાસ હાથ ધરી છે.
સુરતમાં જાહેરમાં યુવાનની હત્યા
સુરતના લિંબાયત વિસ્તારમાં આવેલી ગુરૂકૃપા સોસાયટી પાસે શાકભાજી માર્કેટમાંથી કપિલ કોળી અને રવિ સિંહ રાજપુત નામના બે મિત્રો પસાર થઈ રહ્યાં હતા. તે દરમિયાન એકાએક ગોકુલ અને હર્ષદ નામના બે વ્યકિતઓ દ્વારા આ બંને મિત્રો પર ચપ્પુ વડે જીવલેણ હુમલો કરવામાં આવ્યો હતો. જેમાં કપિલના યુવાનનું ઘટનાસ્થળે મોત થયું છેે.
