સુરત : કોરોના કાળમાં અનેક લોકોની નોકરી ગઈ તો કેટલાક માનસિક તણાવમાં આવી ગયા છે. આ સમયગાળામાં લોકોને ખબર પડી કે યોગ કેટલો અસરકારક છે.યોગ માનસિક શાંતિ તંદુરુસ્તી પણ આપે છે. પરંતુ હાલના દિવસોમાં સુરતમાં યોગ મહિલાઓને રોજગારી આપી રહ્યો છે. નોકરી ગુમાવનાર મહિલાઓ યોગ ની ટ્રેનીંગ લઇ યોગા ટ્રેનર બની ગઈ છે.
સુરતમાં કોરોના કાળમાં નોકરી ગુમાવનાર મહિલાઓ યોગની ટ્રેનીંગ લઇ યોગા ટ્રેનર બની ગઈ સુરતમાં કોરોના કાળમાં નોકરી ગુમાવનાર મહિલાઓ યોગની ટ્રેનીંગ લઇ યોગા ટ્રેનર બની ગઈ કૃતિ કાપડિયાએ માઇક્રો બાયોલોજીમાં ડિગ્રી મેળવી છે. આ ડિગ્રીના કારણે તેઓ સારી એવી નોકરી મેળવી શકે.પરંતુ કોરોના કાળમાં તેઓને લાગ્યું કે માનસિક અને શારીરિક ઉન્નતિ માટે મસમોટા પગારની નોકરી કરતા યોગા ટ્રેનર બની જવું એ ખૂબ જ યોગ્ય રહેશે.આ જ કારણ છે. કે ટ્રેનિંગ લીધા બાદ કૃતિ અન્ય મહિલાઓને યોગા ટ્રેનર તરીકે યોગના જુદા જુદા આસનો શીખવાડી રહી છે. પ્રોફેશનલ જોબની જગ્યાએ કૃતિએ યોગા ટ્રેનર બની જવું ખૂબ જ સારું લાગ્યું હતું.કૃતિ એ જણાવ્યું હતું કે યોગા ટ્રેનરના પ્રોફેશનના કારણે તેને માનસિક અને શારીરિક ઉન્નતિ મળે છે. આ જ વિચાર તે અન્યને આપવા માંગે છે.
બીજી નોકરી મેળવી ખૂબ અઘરી વાત હતીક્રિતીની જેમ સોનલ ઉર્વીગર પણ યોગા ટ્રેનર બનવા ઈચ્છે છે. કારણ લોકડાઉન બાદ તેની નોકરી ચાલી ગઇ હતી. સોનલ બેન્કના લોન વિભાગમાં કામ કરતી હતી. પરંતુ અચાનક જ નોકરી ચાલ્યા ગયા બાદ જાણે તેની ઉપર આભ તૂટી પડયું હતું. બીજી નોકરી મેળવી ખૂબ અઘરી વાત હતી.સાથે એક દીકરીના ભરણપોષણની જવાબદારી પણ તેની ઉપર હતી. જેથી તેને યોગ શીખી યોગ ટ્રેનર બનવાનું વિચાર્યું.
કેટલીક મહિલાઓ વિદેશમાં ટ્રેનિંગ આપી રહી છેસુરતના ભટાર વિસ્તાર ખાતે યોગાચાર્ય ચેન્ના રામ યોગ કલાસીસ ચલાવે છે.કોરોના કાળમાં મોટાભાગે લોકોની નોકરી ચાલી ગઈ હતી.જેથી તેઓએ વિચાર્યું કે, આશરે 100 જેટલા લોકોને નિશુલ્ક યોગની ટ્રેનીંગ આપી યોગ ટ્રેનર બનાવી તેમને નોકરી આપશે. આ વિચાર સાથે તેઓએ અનેક મહિલાઓને યોગના અલગ અલગ આસનની ટ્રેનિંગ આપી હતી. આજે આશરે 10થી વધુ મહિલાઓ ટ્રેનિંગ મેળવી નોકરી કરી રહી છે.જેમાં કેટલીક મહિલાઓ વિદેશમાં પણ ચાલી ગઈ છે.
