સુરતમાં એક અજીબો ગરીબ કિસ્સો સામે આવ્યો હતો. ઘટનાની વિગતવાર વાત કરીએ તો બન્યું એવુ હતું કે, ધૂળેટીના દિવસે રાંદેર કોઝ વે પર એક મહિલાનો તરતો મજતદેહ તાપી નદીમાં તણાઈ આવ્યો હોવાની વાત વહેતી થઈ હતી. દરિયાની ભરતીના કારણે મૃતદેહ નદીમાં અંદર તણાઈ આવ્યો હોવાની વાતથી બે સ્થાનિક તરવૈયા તાપી નદીમાં કુદયા હતાં. મહિલાના મૃતદેહને લેવા ગયેલા આ તરવૈયાઓએ મહિલાને ઉંચકવા જતા મહિલા ઉભી થઈ હતી. પણ જેમ સ્થાનિક તરવૈયા ત્યાં પહોંચ્યા તો મહિલા હલી હતી. જેથી પહેલા તો તરવૈયા ડરી ગયા હતા.
તાપી કિનારે સર્જાયેલા હાઈવોલ્ટેજ ડ્રામાનો વીડિયો વાઈરલ થયો હતો. જો કે, આ મહિલા કોણ હતી અને તેને સારવાર માટે ક્યાં ખસેડવામાં આવી તથા ફાયરબ્રિગેડ કે પોલીસને પણ આ ઘટના અંગે કોઈ જાણ ન હોવાનું માલુમ પડ્યું હતું. હાલ તણાતી મહિલાનો મૃતદેહ અને ઉભી થયેલી મહિલાનો વીડિયો સોશિયલ મીડિયામાં વાયરલ થઈ રહ્યો છે.
