સુરતના ડભોલી વિસ્તારમાં આવેલી સરદાર સોસાયટીના રહેવાસી અને સેલ્સમેનનું કામ કરી પોતાના પરિવારનું ગુજરાન ચલાવનાર રાકેશની થોડા સમય પહેલા સંદિપ પીપલીયા અને પાર્થ નામના યુવાન સાથે પ્રેમ પ્રકરણમાં બોલાચાલી થઈ હતી. જે વાતની અદાવત રાખી બન્ને યુવાનોએ સમાધાન અર્થે રાકેશને સોસાયટીના ગેટ પાસે બોલાવ્યો હતો. જ્યાં રાકેશ પર બન્ને શખ્સોએ ચપ્પુ વડે હુમલો કર્યો હતો.
પ્રેમ પ્રકરણમાં સમાધાન અર્થે બોલાવી યુવાનની હત્યા
હુમલા કર્યા બાદ બન્ને આરોપી ફરાર થઇ ગયા હતા. જેથી, સ્થાનિક લોકોએ ઇજાગ્રસ્ત રાકેશને નજીકના ખાનગી હોસ્પિટલમાં સારવાર અર્થે ખસેડયો હતો. જ્યાં, સારવાર દરમિયાન તેનું મોત નીપજ્યું હતું. ઘટનાની જાણ થતાં જ ચોક બજાર પોલીસ ઘટના સ્થળે દોડી આવી હતી અને ગણતરીના સમયમાં જ આરોપી સંદિપને ઝડપી પાડ્યો હતો. જ્યારે પાર્થ ફરાર થઇ ગયો હતો.
