સુરતને 6 મહિનામાં મળશે વિશ્વનું સૌથી મોટું નવું ડાયમંડ બુર્સ, PM Modi અને રશિયાના રાષ્ટ્રપતિ વ્લાદિમીર પુતિન કરશે ઉદ્ઘાટન

સુરત શહેરમાં 6 મહિના પછી ડાયમંડ બુર્સનો પ્રારંભ થશે. વિશ્વના 2 શક્તિશાળી નેતા આનો પ્રારંભ કરાવશે. ભારતના વડાપ્રધાન નરેન્દ્ર મોદી અને રશિયાના રાષ્ટ્રપતિ વ્લાદિમીર પુતિનના હસ્તે આ ડાયમંડ બુર્સનું ઉદ્ઘાટન કરવામાં આવશે. આ માટે રાષ્ટ્રપતિ પુતિનને આમંત્રણ આપવાનું આયોજન પણ કરવામાં આવી રહ્યું છે. આ અંગે સુરત ડાયમંડ બુર્સે કેન્દ્રિય પ્રધાન પીયૂષ ગોયલને રજૂઆત પણ કરી છે.

• સુરતમાં વિશ્વના સૌથી મોટા ડાયમંડ ટ્રેડિંગ અને પોલીસિંગનો થશે પ્રારંભ
• વિશ્વના બે શક્તિશાળી નેતા વડાપ્રધાન નરેન્દ્ર મોદી અને રશિયાના રાષ્ટ્રપતિ વ્લાદિમીર પુતિન કરાવશે પ્રારંભ
• માર્ચ 2022 પહેલા સુરતના ખજૂરમાં વિશ્વની સૌથી મોટી ઓફિસ બિલ્ડીંગ સુરત ડાયમંડ બુર્સનું નિર્માણ પૂર્ણ થશે
• વિશ્વના 175 દેશ હિરાની ખરીદી કરવા માટે સુરત ડાયમંડ બુર્સ આવશે

સુરતઃ શહેરના ખજૂરમાં માર્ચ 2022 પહેલા વિશ્વની સૌથી મોટી ઓફીસ બિલ્ડીંગ સુરત ડાયમંડ બુર્સનું નિર્માણ પૂર્ણ થશે. આ બિલ્ડીંગનું ઉદ્ઘાટન વિશ્વના બે શક્તિશાળી નેતાઓ એટલે કે વડાપ્રધાન નરેન્દ્ર મોદી અને રશિયાના રાષ્ટ્રપતિ વ્લાદિમીર પુતિનના હસ્તે કરવામાં આવશે. જોકે, આ માટે તમામ તૈયારીઓ સુરત ડાયમંડ બુર્સ કમિટીએ કરી લીધી છે. આ બિલ્ડીંગનું નિર્માણ 66 લાખ સ્કેવર ફૂટમાં થઈ રહ્યું છે, જેનું કામ અંતિમ તબક્કામાં છે. માર્ચ સુધીમાં આ નિર્માણકાર્ય પૂર્ણ થશે.

આ પણ વાંચો- Power crisis in China : ભારતના ટેક્સટાઇલ સહિતના ઉદ્યોગો માટે યુરોપિયન અને નોર્થ અમેરિકન દેશોમાં એક્સપોર્ટ માટે સુવર્ણ તક

ડાયમંડ બુર્સમાં 90 ટકાથી વધુનું કામ પૂર્ણ

અત્યારે ડાયમંડ બુર્સનું કામ 90 ટકાથી વધારે થઈ ગયું છે. અહીં વિશ્વના 175 દેશો હીરાની ખરીદી કરવા આવશે. સુરત ડાયમંડ બુર્સમાં કુલ 4,500 ઓફિસ છે. તેની સાથે એક ડાયમંડ બની રહી છે, એટલું જ નહીં ત્યાં ઓકશન હાઉસ પણ તૈયાર થશે. સુરત ડાયમંડ બુર્સમાં 2 લાખ કરોડ રૂપિયાનો વેપાર થઇ શકે તેવી સંભાવનાઓ વ્યક્ત કરવામાં આવી રહી છે. ઉલ્લેખનીય છે કે, વિશ્વના 100માંથી 90 ડાયમંડ સુરતમાં કટિંગ અને પોલિશિંગ થાય છે. જ્યારે રશિયા વિશ્વને 40 ટકા જેટલા રફ ડાયમંડ પોતાની ખાણમાંથી આપે છે. આ જ કારણ છે કે, કમિટી ઉદ્ઘાટન પ્રસંગે રશિયાના રાષ્ટ્રપતિ પુતિનને આમંત્રણ આપવાનું વિચાર કરી રહી છે.

આ પણ વાંચો- સુરત ડાયમંડ બુર્સ પર વિશ્વના નામાંકિત ઉદ્યોગપતિઓ ફિદા, ઑફિસ ખરીદવા થયા તૈયાર

રફ ડાયમંડ ઉત્પાદનમાં રશિયાનો 40 ટકા ભાગ

સુરત ડાયમંડ બુર્સ વિશ્વનું સૌથી વિશાળ કોર્પોરેટ ઓફિસ બંધ છે. અહીં દેશવિદેશના ડાયમંડ વેપારીઓને વિશ્વ કક્ષાનું એક નવો વેપાર કેન્દ્ર મળશે, જેનો સીધો લાભ રાજ્ય અને દેશના અર્થતંત્રને થવાની સાથે હજારો લોકોને રોજગારીની તક મળશે. ડાયમંડ બુર્સ કાર્યરત્ થતા ડાયમંડ ટ્રેડિંગ ક્ષેત્રમાં વિશ્વભરમાં સુરત મોખરે રહેશે. ડાયમંડ બુર્સના ઉદ્ઘાટન અંગે સુરત ડાયમંડ બુર્સના કમિટી મેમ્બર દિનેશ નાવડિયાએ જણાવ્યું હતું કે, વિશ્વભરમાં રફ ડાયમંડ પ્રોડક્શનમાં રશિયા 40 ટકાનો ભાગ ધરાવે છે. આ જ કારણે માર્ચમાં ડાયમંડ બુર્સના ઉદ્ઘાટન પ્રસંગે વડાપ્રધાન નરેન્દ્ર મોદીની સાથે રશિયાના રાષ્ટ્રપતિ પુતિન અને પણ આમંત્રણ આપવામાં આવી રહ્યું છે. આ માટે અમે કેન્દ્રિય પ્રધાન પીયૂષ ગોયલ સાથે પણ વાતચીત કરી છે અને તેમણે અમને આશ્વાસન આપ્યું છે.

આ બુર્સ પેન્ટાગોન કરતાં પણ મોટું બનશે

તેમણે વધુમાં જણાવ્યું હતું કે, સુરત ડાયમંડ બુર્સ આંતરરાષ્ટ્રીય ગ્રીન બિલ્ડિંગના માપદંડ હેઠળ તૈયાર થઈ રહ્યો છે. સોલાર પાવરથી લઈને તમામ પર્યાવરણલક્ષી વસ્તુઓ પ્રોજેક્ટમાં જોવા મળશે. સાથોસાથ આ વાસ્તુને અનુરૂપ બનાવવામાં આવી રહ્યું છે. પંચતત્વ થીમ પર બનેલા બુર્સમાં તમામ સુવિધાઓ છે. ડાયમંડ બુર્સ અમેરિકાના ડિફેન્સ હેડ ક્વાટર પેન્ટાગોન કરતાં પણ મોટું છે. વિશ્વના નામાંકિત બિઝનેસમેન ડાયમંડ બુર્સમાં ઓફિસ ખરીદવા તૈયાર છે, જેમાંથી દુબઈના 10 જેટલા રોકાણકારોએ ડાયમંડ બુર્સમાં ઓફિસ ખરીદવાની તૈયારી દર્શાવી છે