Std.12 General stream result: કોરોનામાં પરિવારની આર્થિક સંકડામણો વચ્ચે આ વિદ્યાર્થીઓએ મેળવ્યો A1 ગ્રેડ

આર્થિક સંકડામણ અને કોરોનાકાળમાં પરિવારની વિકટ પરિસ્થિતિ વચ્ચે પણ પરિશ્રમ કરીને ધોરણ-12 સામાન્ય પ્રવાહમાં ( Std.12 General stream result ) A 1 ગ્રેડ મેળવનારા વિદ્યાર્થીઓની સંખ્યા વધારે છે. તેમાં પણ સુરતમાં કોરોનાકાળમાં રોજગારી ગુમાવનાર રત્નકલાકારોના બાળકોની સંખ્યા વધારે છે. અન્ય વિદ્યાર્થીઓ માટે આ બાળકો પ્રેરણારૂપ છે.પરિવારની સ્થિતિ સારી ન હોવા છતાં તેઓએ દિવસરાત પરિશ્રમ કર્યો છે.

• વિકટ પરિસ્થિતિ વચ્ચે પણ પરિશ્રમ કરીને ધોરણ-12 સામાન્ય પ્રવાહમાં A 1 ગ્રેડ મેળવનારા વિદ્યાર્થીઓની સંખ્યા વધુ
• સુરતમાં કોરોનાકાળમાં રોજગારી ગુમાવનાર રત્નકલાકારોના બાળકોની સંખ્યા વધારે
• પરિવારની સ્થિતિ સારી ન હોવા છતાં તેઓએ દિવસરાત પરિશ્રમ કર્યો

સુરત: આજે જાહેર થયેલા ધો.12 સામાન્યપ્રવાહ ( Std.12 General stream result ) પરિણામમાં એ વન ગ્રેડ મેળવનાર શિરોયા સૃષ્ટિએ જણાવ્યું હતું કે, 'જ્યારે ધોરણ પાંચમાં હતી ત્યારે પિતા મૃત્યુ પામ્યા હતાં. માતા સિલાઇ મશીન ચલાવીને ઘર ચલાવે છે તેમની મદદ કરતી હતી અને સાથોસાથ ભણતર પણ કર્યું છે હું સી.એ બનવા માગુ છું. ક્લાસમાં એડમિશન લીધું છે, ખૂબ મહેનત કરીશ અને માતાની મદદ કરીશ. ઓનલાઇનના કારણે ભણવામાં તકલીફ થઈ. જો રૂબરૂ ભણવાનું આવ્યું હોત તો કદાચ આજે મારા પર્સન્ટેજ વધારે આવ્યાં હોત'

પિતાજીને કારખાનામાંથી રજા મળી ગઈ હતી
Std.12 General stream result માં પાનસુરીયા તૃષાલે પણ એ વન ગ્રેડ મેળવ્યો છે. તેના પિતા રત્ન કલાકાર છે. તેણે જણાવ્યું હતું કે કોરોનાકાળમાં પરિવારની સ્થિતિ ખૂબ જ ખરાબ થઈ ગઈ હતી. પિતાજીને કારખાનામાંથી રજા મળી ગઈ હતી. લોકડાઉન ખુલ્યા બાદ સ્થિતિ સામાન્ય પણ થઈ, ખૂબ જ મહેનત કરેલી 4 થી 5 કલાક ભણવાનું થતું હતું. શિક્ષકોએ અમારી ખૂબ જ મદદ કરી છે. લાગતું હતું કે પરીક્ષા થશે તો ખૂબ જ સારા માર્ક્સ આવશે પરંતુ કોરોનાના કારણે પરીક્ષા લેવામાં આવી નથી તેનો અફસોસ છે. માસ પ્રમોશન મળ્યું છે પરીક્ષા લેવાઈ હોત તો વધારે માર્ક્સ આવ્યા હોત. પરીક્ષાના લેવાના નિર્ણયથી દુઃખ થયું હતું. પરંતુ આ બધું ભૂલીને હું આગળ વધવા માગું છું અને સીએ બનવા માગુ છું.

પિતાજીને આર્થિક મદદ કરવા માગુ છું Std.12 General stream result માં ધૃવિલ પણ એ ગ્રેડ મેળવ્યો છે અને તેના પિતા પણ રત્ન કલાકાર છે. કોરોના કારણે ખૂબ જ મુશ્કેલી પડી હતી ખાસ કરીને આર્થિક રીતે.. શાળાઓ શરૂ ન થવાના કારણે મુશ્કેલીઓ પડી હતી. પરંતુ શિક્ષકો દ્વારા મદદ કરવામાં આવી પરીક્ષા લેવાઈ હોત તો રિઝલ્ટ વધુ સારું આવ્યું હોત. હું બીબીએ અને એમબીએ કરવા માગુ છું. પિતાજીને આર્થિક મદદ કરવા માગુ છું કારણકે કોરોનામાં આર્થિક પરિસ્થિતિ ખૂબ જ ખરાબ થઈ ગઈ હતી. કદાચ આના કરતાં પણ સારા માર્કસ આવ્યાં હોત Std.12 General stream result માં એ વન ગ્રેડ મેળવનાર ડેનિશે જણાવ્યું હતું કે ઘરની પરિસ્થિતિ સારી ન હોવાના કારણે લાઇબ્રેરી જઈને ભણતો હતો. પિતા રત્નકલાકાર છે કોરોનાકાળમાં તેમને એક દિવસ ઘરે અને એક દિવસ નોકરી પર બોલાવવામાં આવતા હતાં. પરીક્ષા પરિણામથી સંતોષ નથી. જો પરીક્ષા લેવાઈ હોત તો કદાચ આના કરતાં પણ સારા માર્કસ આવ્યા હોત. શિક્ષકોએ ખૂબ જ મહેનત કરી છે અને હું જીપીએસસીની તૈયારી કરીને તલાટી બનવા માગુ છું.

આ પણ વાંચોઃ ધોરણ 12ના સમાન્યપ્રવાહનું પરિણામ જાહેર, બોર્ડના ઇતિહાસમાં સૌથી ખરાબ પરિણામ

આ પણ વાંચોઃ સુરત શહેરના નગર પ્રાથમિક શિક્ષણ સમિતિના બાળકોને હજી પાઠ્યપુસ્તક મળ્યા નથી