1.55 લાખની કિમતના Drugs સાથે Surat bus standથી એક આરોપીની ધરપકડ

સુરતમાં મહિધરપુરા પોલીસે બાતમીના આધારે સુરત બસ સ્ટેન્ડ ( Surat bus stand ) પાસેથી 1.55 લાખની કિમતના 15 ગ્રામ ડ્રગ્સના ( Drugs ) જથ્થા સાથે એક ઈસમને ઝડપી પાડ્યો હતો. પોલીસ તપાસમાં આરોપી આ ડ્રગ્સ મુંબઈ સ્થિત એક રીક્ષા ચલાવતા ઇસમ પાસેથી લાવ્યો હોવાનું બહાર આવ્યું હતું. જેથી પોલીસે તેને વોન્ટેડ ( Wanted ) જાહેર કરી આગળની વધુ તપાસ હાથ ધરી છે.

• સુરતના મહિધરપુરામાંથી ઝડપાયું ડ્રગ્ઝ
• બાતમી પરથી પોલીસે એક ઇસમને ઝડપી લીધો
• સુરત બસ સ્ટેન્ડ પરથી 15 ગ્રામ Drugs સાથે ઝડપાયો આરોપી

સુરત:સુરતમાં મહિધરપુરા પોલીસનો સ્ટાફ ( Surat Police ) પેટ્રોલિંગમાં હતો તે દરમિયાન બાતમી મળી હતી કે ડ્રગ્સના ( Drugs ) જથ્થા સાથે એક ઇસમ સુરત બસ સ્ટેન્ડ ( Surat bus stand ) પાસે આવવાનો છે. બાતમીના આધારે પોલીસે વોચ ગોઠવી હતી અને ભાઠેના રજાનગર પાસે રહેતા આમીનખાન સહીરખાન પઠાણને ઝડપી પાડ્યો હતો. પોલીસે તેની પાસેથી 1.55 લાખની કિમતનું 15 ગ્રામ મેથએમફેટામેન ડ્રગ્સ ( Drugs ) કબજે કર્યું હતું.

આ પણ વાંચોઃ સુરતમાં 7.90 લાખની કિમતના 79 ગ્રામ એમ.ડી.ડ્રગ્સ સાથે એક મહિલા સહિત કુલ ચારની ધરપકડ

400 રૂપિયા રોકડા મળી કુલ 1.63 લાખની મતા કબજે

પોલીસની પૂછપરછ આરોપી આ ડ્રગ્સ ( Drugs ) મુંબઈ સ્થિત બોરીવલી ખાતે રીક્ષા ચલાવતા એક ઇસમ પાસેથી લાવ્યો હોવાનું જણાવ્યું હતું. જેથી પોલીસે તેને વોન્ટેડ ( Wanted ) જાહેર કર્યો છે. આ ઉપરાંત મહિધરપુરા પોલીસે એક મોબાઈલ, પાન કાર્ડ, તેમજ 400 રૂપિયા રોકડા મળી કુલ 1.63 લાખની મતા કબજે કરી છે અને આ મામલે વધુ તપાસ હાથ ધરી છે.

આ પણ વાંચોઃ સુરત SOGએ Cocaine અને Methamphetamineના જથ્થા સાથે નાઇઝીરિયનની કરી ધરપકડ