ડીંડોલી ઓમ નગર સોસાયટીમાં સોમવારે રહીશોએ ભારે હોબાળો મચાવ્યો હતો. જ્યાં GEBની ડીપીને લઇ સોસાયટીના લોકોમાં રોષ જોવા મળ્યો હતો. સોમવારે GEBના અધિકારીઓ ડીપીની કામગીરી કરવા સોસાયટીમાં પોહચ્યા હતા, જે દરમિયાન લોકોએ હુરિયો બોલાવ્યો હતો. લોકોના આરોપ છે કે ભાજપ નેતાની શાળામાં પાવર સપલાય આપવા સોસાયટીની ડીપીમાંથી 500 વોલ્ટેજનો પાવર પસાર કરવાની કાર્યવાહી કરવામાં આવી રહી જે ગેરકાયદે છે. આ કાર્યવાહીના પગલે ડીપીમાં ભડાકો થતા આગની ઘટના પણ બની હતી.
સોસાયટીમાં મોટી સંખ્યામાં લોકો અવર-જવર કરે છે, જેના જીવ સામે પણ જોખમ છે. જેથી આ ડીપી હટાવવામાં આવે તેવી માંગ છે. અધિકારીઓને રજુઆત કરવા છતાં સમસ્યા અંગે કોઈ ઉકેલ લાવવામાં આવ્યો નથી. જેના સંદર્ભે સોમવરે સોસાયટી વાસીઓ દ્વારા ભારે વિરોધ નોંધાવવામાં આવ્યો છે.
GEBની ડીપી દૂર ન કરાતા ભારે હોબારો
