સુરત : શહેરના ગ્લોબલ ટેક્સ્ટાઇલ માર્કેટમાં વેપારીઓના 90 કરોડ રૂપિયાનો ઉઠમણાં કરનાર આરોપીની ધરપકડ થઇ હતી. આ બાદ હવે વીવર્સ એસોસિએશને (Surat Weavers Association ) આવી ઘટનાઓને રોકવા માટે મુખ્યપ્રધાન ભૂપેન્દ્ર પટેલને રજૂઆત (Demand of Surat Weavers ) કરી છે કે ઉઠમણાં કરનારા આરોપીઓ સામે ગુજસીટોક કાયદા હેઠળ ફરિયાદ (Complaint under Gujcitok Act) દાખલ કરવામાં આવે.
અવારનવાર બને છે ઘટના - સુરત કાપડ બજારમાં ઓર્ગેનાઈઝ્ડ ક્રાઈમની ઘટના અવારનવાર સામે આવતી હોય છે. હાલમાં જ સુરતના ગ્લોબલ ટેક્સ્ટાઇલ માર્કેટના 26 વર્ષીય ઠગે સો વીવર્સના 90 કરોડ રૂપિયાના ઉઠમણાં કર્યા હતાં. આરોપીએ બે કંપનીઓ શરૂ કરી હતી. એટલું જ નહીં, પરિવારના સગાસંબંધીઓના નામ એ લગભગ 30 જેટલા જુદી જુદી પેઢીઓના જીએસટી રજીસ્ટ્રેશન મેળવી પ્રીપ્લાન ઠગાઈ કરી હતી. આ કોઈ પ્રથમ ઘટના નથી. ટેક્સટાઈલ માર્કેટમાં અવનવા કિસ્સાઓ સામે આવતા હોય છે. જેથી દક્ષિણ ગુજરાત વીવર્સ એસોસિએશન દ્વારા મુખ્યપ્રધાન ભૂપેન્દ્ર પટેલ પાસે આવી ઠગાઈ કરનાર લોકો સામે ગુજસીટોક કાયદા હેઠળ ફરિયાદ (Complaint under Gujcitok Act) દાખલ કરવા માગ (Demand of Surat Weavers )કરાઇ છે.
આ પણ વાંચોઃ કાપડ બજારમાં ચિટીંગ કરતા 250થી વધુ દલાલો, તમામના નામ જાહેર કરવાની વિવર્સ એસોસિએશનની ચિમકી
ગુજસીટોક 2015ના કાયદાની કલમ 2( D) મુજબ કાર્યવાહી થાય- વીવર્સ એસોસિએશનના પ્રમુખ અશોક જીરાવાળાએ જણાવ્યું હતું કે ખૂબ જ આયોજનપૂર્વક આખું ષડયંત્ર કરવામાં આવતું હોય છે. અમે ગૃહપ્રધાન હર્ષ સંઘવી અને મુખ્યપ્રધાન ભૂપેન્દ્ર પટેલને રજૂઆત (Demand of Surat Weavers ) કરી છે કે ઠગાઈ કરનાર લોકો સામે ગુજસીટોક 2015 ના કાયદાની કલમ 2( D) મુજબ કાર્યવાહી (Complaint under Gujcitok Act) થવી જોઈએ. આ આર્થિક અપરાધની શ્રેણીમાં આવે છે.
આ પણ વાંચોઃ Fraud case in Surat : દસ દિવસમાં પેમેન્ટ આપવાનું કહી 5 વેપારીઓનું બુચ મારનાર ઝડપાયો
ટેક્સટાઇલ ઉદ્યોગમાં મંદી - હાલ જે રીતે ઇન્ડિયન પીનલ કોડની કલમ 406માં રહેલી કાયદાની છટકબારીનો ઉપયોગ કરી કરોડો રુપિયાનું ફુલેકું ફેરવી આ લોકો ભાગી જાય છે. જ્યારે પકડાઈ જાય છે તો માત્ર ગણતરીના દિવસોમાં તેમને જામીન મળી જાય છે.અત્રે ઉલ્લેખનીય છે કે ટેક્સટાઇલ ઉદ્યોગ ખેતી પછી સૌથી વધારે રોજગારી આપતો ઉદ્યોગ છે અને અહીં ઉઠમણાં અંગે અનેક બનાવો બનતા હોય છે. બીજી બાજુ ટેક્સટાઇલ ઉદ્યોગ મંદીની પરિસ્થિતિથી પસાર થઇ રહ્યો છે.
