- સુરતમાં ચાલુ બસે ઊતરવું યુવકને ભારે પડ્યું
- બસની અડફેટે આવતા યુવકનું મોત
- બસચાલક અકસ્માત કર્યા બાદ થઈ ગયો ફરાર
સુરતઃ સુરત મહાનગરપાલિકા દ્વારા કોન્ટ્રાક્ટ પર પર ચલાવવામાં આવતી બ્લૂ બસ મહિધરપુરા રેલવે સ્ટેશન રોડ પરથી પસાર થઈ રહી હતી. આ બસમાં અન્ય પ્રવાસીઓ સાથે યુવક પણ બસમાં પ્રવાસ કરતો હતો. યુવક ચાલુ બસે ઉતારવા જતા બસની પેૈડાની નીચે આવી જવાથી ઘટનાસ્થળે જ મોત નીપજ્યું હતું. આ ઘટનાને લઈ તાત્કાલિક મહિધરપૂરા પોલીસ સ્થળ પર દોડી આવી હતી. હાલ મહિધરપુરા પોલીસે અકસ્માતનો ગુનો નોંધી બસ ડ્રાઈવરની શોધખોળ શરૂ કરી કરી છે.
પોલીસે મૃતક યુવકના પરિવારની શોધખોળ શરૂ કરી
બસની અડફેટે મોત નીપજતા બસચાલક બસ છોડીને ફરાર થઈ ગયો હતો. જેથી પોલીસે મનપા પાસેથી ડ્રાઈવરની માહિતી મેળવી ડ્રાઈવરને પકડી પાડવા શોધખોળ હાથ ધરી છે, તો બીજી બાજુ બસની અડફેટે મૃત્યુ થનારા યુવકના પરિવારની પણ શોધખોળ હાથ ધરી છે.
