'પોતાનાથી પહેલા પ્રજા'ના સૂત્ર સાથે સેવા કરનારા ગોંડલના મહારાજા ભગવતસિંહની આજે જન્મજયંતી

24 ઓક્ટોબર એટલે કે આજે ગોંડલના મહારાજા સર ભગવતસિંહજીની 155મી જન્મજયંતી છે. આ દિવસે ગોંડલમાં ઉત્સવનો માહોલ થઈ જાય છે. મહારાજા ભગવતસિંહને 'ધ મેકર ઓફ મોડર્ન ગોંડલ'ના પ્રણેતા પણ ગણવામાં આવે છે. કહેવાય છે કે, પ્રજાનું હિત એ જ એમનું લક્ષ્ય હતું.

• ગોંડલના મહારાજા ભગવતસિંહની આજે 155મી જન્મજયંતી
• રાજકોટના ગોંડલમાં 24 ઓક્ટોબરે હોય છે ઉત્સવનો માહોલ
• મહારાજા 'ધ મેકર ઓફ મોડર્ન ગોંડલ'ના પ્રણેતા પણ ગણાય છે

રાજકોટઃ 24 ઓક્ટોબર એટલે ગોંડલવાસીઓ માટે ઉત્સવનો દિવસ. કારણ કે આ દિવસે ગોંડલના મહારાજા ભગવતસિંહજીનો જન્મ દિવસ છે. પ્રજાવત્સલ મહારાજા સર ભગવતસિંહજીના શાસન કાળમાં અનેક પ્રજાહિતના કાર્યોનો સમાવેશ થાય છે. પરંતુ મુખ્યત્વે રાજવી કાળમાં અશક્ય હોય તેવા 108 મહાન કાર્યોની સ્મૃતિએ સમયમાં મફત અને ફરજિયાત શિક્ષણ, કન્યા કેળવણી, ભાર વિનાનું ભણતર, ઊચ્ચ શિક્ષણ, શિષ્યવૃત્તિ, ગામડે-ગામડે શાળાઓ, સાહિત્ય શિક્ષણ, વ્યાયામ શાળા, શ્રેષ્ઠ શિક્ષકોને તૈયાર કરવા માટે અધ્યાપન મંદિર, સંગીત શિક્ષણ, ઉચ્ચ શિક્ષણ પુરસ્કાર, અંગ્રેજી-ગુજરાતી ભાવના મય વાંચન માળા પળતર ભાવે પ્રસિદ્ધ, સંગ્રામજી હાઈસ્કૂલનું નિર્માણ, મેટરિકની પાંચ હાઈસ્કૂલો, ગ્રામ સુધારણા, વહીવટી સુધારણા, આત્મનિર્ભરતા, રેલવે સેવા, રેલવે વિસ્તરણ, આધુનિકતા, વિરલ વેરી તળાવ, પ્રાથમિક સુધારણા, કૃષિ પ્રદર્શન, દુષ્કાળ નિવારણ, રસશાળા ઔષધાશ્રમ, સમાજ સુધારણાના નવા નિયમો, ખેતી સુધારણા, ગરાસિયા કોલેજ, નગર પુનઃરચના, ફરિયાદોનો ત્વરિત નિકાલ, અંડરગ્રાઉન્ડ વીજળી સેવાઓનો સમાવેશ થાય છે.

મહારાજાએ પીવાના પાણી માટે તાંબાની પાઈપલાઈન પણ નખાવી આપી હતી

અંડરગ્રાઉન્ડ ભૂગર્ભ, ફિલ્ટર પાણી, ગૌ હત્યા પ્રતિબંધ, કરકસર યુક્ત વહીવટ, દુષ્કાળમાં ખેડૂતોને રાહત પેકેજ દુષ્કાળમાં પશુ ભૂખ્યા ન મરે તે હેતુથી ઘાસચારો, રાહત કેમ્પો, દારૂબંધી, સજીવ વૃક્ષ સંરક્ષણ, વૃક્ષ છેદનને બાળહત્યા સમાન ગુનો, વૃક્ષ ઉછેરવા માટે કોન્ટ્રકટ, નવા કૂવા અને તળાવો અને નહેરો, જકાત માફી, કુરિવાજો નો ત્યાગ, અપંગ નિરાધાર માનવીઓ માટે પ્રબંધ, બાઈ સાહેબબા નિરાશ્રિત ગૃહ, ગામડે ગામડે ટેલિફોન સુવિધા બાગ બગીચા, કલાત્મક ભગવત રંગમંડપ, પચાસ ફૂટ પહોળા રસ્તા, દસ ફૂટ ફરજિયાત ફૂટપાથ, વરસાદી પાણીના નિકાલ માટે ડ્રેનેજ સુવિધા, પુલોના બાંધકામ માટે કોન્ટ્રાકટર પાસે 100 વર્ષના બોન્ડ અને રોડ રસ્તાઓ માટે 20 વર્ષના બોન્ડ લખાવવાનો કડક નિયમ, ગોંડલ રાજ્યમાં 6 મોટા પુલો તથા એક હજાર નાળા તથા 360 માઈલ પાકી સડકો, પશુઓને પાણી પીવા માટે ના અવેડા, કોઈ પણ ઈલેક્ટ્રિક મોટર વગર શહેરના ખૂણે ખૂણે પાણી, ગોંડલ - ધોરાજી-ઉપલેટા 3 મુખ્ય શહેરોનું નવેસરથી ઘડતર, રોડ રસ્તાની બંને સાઈડ વૃક્ષો, લોકોને પીવાના પાણી માટે તાંબાની પાઇપ લાઈનનો સમાવેશ થાય છે.

મહારાજા રમતગમતને પણ આપતા પ્રોત્સાહન

આ ઉપરાંત વેરી દરવાજો તથા ગામડે ગામડે મુખ્ય દરવાજાઓ, ખેડૂતોને અઘાટ હક, અચળ હળવી વિઘોટી, ચોકે ચોકે ફરજિયાત ગોળાઈ, મુખ્ય શહેરોમાં દવાખાના, ઓપરેશન થિયેટર અને હવા ઉજાસવાળા વોર્ડ, પ્રસુતિ ગૃહ, નર્સિંગ અને દાયણનું શિક્ષણ 1885માં મોબાઈલ હરતા ફરતા દવાખાના, હડકવા અને સાપના ઝેર વિરોધી રસીઓનો સ્ટોક ફરજિયાત, રમત-ગમતના મેદાનો, દેશી રમત ગમતને ઉત્થાન, ધર્મશાળાઓ, રાજકુમારોને નોકરી ફરજિયાત, રાજના કર્મચારીઓને પેન્શન સુવિધા, પક્ષીઓ માટે ચણના ઓટા, શિકાર પ્રતિબંધ, પોલીસ થાણા, વિલેજ પોલીસ, પોલીસ પ્રજાની મિત્ર, કાયદા સમક્ષ બધા સરખાના નિયમ, ફરિયાદીને ઘરે જઈને રૂબરૂ પોલીસ અમલદારો ફરિયાદ લેવી ફરજિયાત, સુધરાઈ કચેરી, હુનર ઉદ્યોગ શાળા, ખેડૂતો અને મજદૂરો માટે થાકલા, દરેક કચેરીમાં સમયની કટિબદ્ધતા, રાજ્યના કર્મચારીઓને યુનિફોર્મ ફરજિયાત, રાજ્યના કર્મચારી ઉપર "તલબાનું" નિયમ, ફર્ગ્યુસન કોલેજમાં સીટ અનામત, કુદરતી આફતના વેપારીઓને વળતર, કોષ કચેરીની સ્થાપના, ભગવત ગૌ મંડલ (ગુજરાતી શબ્દકોશ), આયુર્વેદિક ગ્રંથ, ગિરસદારી પ્રથા નાબૂદ, બાળ હત્યા પ્રતિબંધ, બીજા વિશ્વ યુદ્ધમાં અન્ય દેશોના સેંકડો પરિવારોને આશરો, જેલમાં કેદી સુધારણા યોજના, ફાંસી પ્રથા બંધ, ન્યાય-કાયદો અને વ્યવસ્થા, પશુ પંખી ઝાડને અભયના સામ્રાજ્યનો કાયદો, કલામય ગલીચાના કારખાના, સિમેન્ટ ઉદ્યોગ, ગ્રામ્ય ઉદ્યોગ, પ્લાસ્ટર ઓફ પેરિસની પ્રતિમાનો ઉદ્યોગ, સાબૂની ફેકટરીઓ, ચામડા ઉદ્યોગ, ચિનાઈ માટીના વાસણોનો ઉદ્યોગ આમ અનેક પ્રજાલક્ષી યોજનાઓ પૂર્ણ કરી નગરજનો અને ગ્રામજનોને સેવા પૂરી પાડી હતી.

મહારાજ ભગવતસિંહનું સૂત્ર હતું 'સૌથી પહેલા ગોંડલ'

'સૌથી પહેલા ગોંડલ' અને 'પોતાની પહેલા બીજા' સૂત્રોને સાચા અર્થમાં સાર્થક કર્યા અને ગોંડલની પ્રજાએ ઉમંગ, ઉત્સાહ અને ભાવ સાથે ઋણ સ્વીકાર બદલ 'ગોંડલ બાપુ'ના શાસનકાળના સુવર્ણ મહોત્સવ પ્રસંગે બાપુને 'સોના ભારો ભાર તોળિયા' અને એ સોનાનો પણ બાપુએ ગોંડલની પ્રજાના કલ્યાણ અર્થે વાપરવાનું જાહેર કર્યું.