રાજકોટ ભાજપના શહેર પ્રમુખે 2 આગેવાનોને કર્યા સસ્પેન્ડ

સ્થાનિક સ્વરાજની ચૂંટણીને લઈ મહાનગરોમાં ઉમેદવારોના લિસ્ટ જાહેર થઈ ચૂક્યા છે ત્યારે રાજકોટમાં વોર્ડ નંબર 14ના પ્રમુખ અનિષ જોશી અને વોર્ડ નંબર 17ના આગેવાન નરેન્દ્ર રાઠોડને સસ્પેન્ડ કરવામાં આવ્યા છે.

• વિરોધ કરનાર બે આગેવાનને શહેર પ્રમુખે સસ્પેન્ડ કર્યા
• ભાજપ કાર્યાલય પર ગાળાગાળીના દ્રશ્યો પણ સર્જાયા
• વોર્ડ નંબર 17ના આગેવાન નરેન્દ્ર રાઠોડ સસપેન્ડ

રાજકોટ: સ્થાનિક સ્વરાજની ચૂંટણીને લઈ રાજકોટ મહાનગર પાલિકાના ભાજપના ઉમેદવારોનું લિસ્ટ જાહેર થયું છે. જેમાં 60 જેટલા નવા ચહેરાઓને સ્થાન આપવામાં આવ્યું છે. જ્યારે 12 જેટલા પૂર્વ કોર્પોરેટરને પણ રિપિટ કરવામાં આવ્યા છે. રાજકોટ ભાજપ ઉમેદવારોનું લિસ્ટ જાહેર થતા ઘણી જગ્યાએ ઉદાસીનો માહોલ જોવા મળ્યો હતો. જ્યારે ભાજપ કાર્યાલય ઠોસ સમય માટે ગાળાગાળીના દ્રશ્યો પણ સર્જાયા હતા. ભાજપની યાદીમાં નવા ઉમેદવારોને સ્થાન અપાતા ચર્ચાનો વિષય બન્યો છે.

ગેરશિસ્ત બદલ શહેર પ્રમુખ કમલેશ મિરાણીએ આગેવાનોને સસ્પેન્ડ કર્યારાજકોટ-RMC માટે ભાજપના ઉમેદવારની જાહેરાત બાદ વિરોધ કરનાર બે આગેવાનને શહેર પ્રમુખે સસ્પેન્ડ કર્યા. ઉપરાંત વોર્ડ નંબર 14ના પ્રમુખ અનિષ જોશી અને વોર્ડ નંબર 17ના આગેવાન નરેન્દ્ર રાઠોડને સસ્પેન્ડ કરવામાં આવ્યા હતા. રાજકોટ ભાજપના ઉમેદવારને જાહેર ગેરશિસ્ત બદલ શહેર પ્રમુખે સસ્પેન્ડ કર્યા છે જ્યારે વોર્ડ નંબર 17ના આગેવાન નરેન્દ્ર રાઠોડને પણ સસ્પેન્ડ કરવામાં આવ્યા છે.